ءۇندىستاندا الاپات سيكلون 40-قا جۋىق ادامنىڭ ءومىرىن قيىپ كەتتى

نيۋ-دەلي. قازاقپارات - ءۇندىستاننىڭ باتىسىندا سوڭعى ەكى كۇندە كۇشتى جەل مەن نوسەر جاڭبىردان سوڭ بولعان «تاۋكتاە» تروپيكالىق سيكلونى سالدارىنان كەم دەگەندە 38 ادام قازا تاپتى، دەپ حابارلايدى قازاقپارات PTI اگەنتتىگىنە سىلتەمە جاساپ.

گۋدجارات شتاتىندا كەم دەگەندە 13 ادام، ال ماحاراشترا شتاتىندا كەم دەگەندە 17 ادام مەرت بولعان. ال بۇعان دەيىن كارناتاكا شتاتىندا سەگىز ادامنىڭ كوز جۇمعانى تۋرالى حابارلانعان بولاتىن. وتكەن اپتانىڭ سوڭىندا ءۇندىستاننىڭ وڭتۇستىك- باتىس جاعالاۋىنداعى لاكشادۆيپ ارالدارى اۋماعىندا اراب تەڭىزىندە پايدا بولعان سيكلون كۇشتى نوسەر مەن 155-165 ك م/ساع- تان 190 ك م/ساع- قا دەيىنگى سۇراپىل جەلگە ۇلاستى.

گۋدجاراتتىڭ باس ءمينيسترى ۆيدجاي رۋپانيدىڭ ايتۋىنشا، 16 مىڭنان استام ءۇي بۇلىنگەن، 40 مىڭنان استام اعاش جانە 70 مىڭنان استام ەلەكتر باعانالارى مەن ەلەكتر جەلىلەرىنىڭ دىڭگەكتەرى داۋىل سالدارىنان قۇلاعان، 5951 اۋىل ەلەكتر جارىعىنسىز قالعان. ماحاراشترا قالاسىندا الدىن الا باعالاۋ ناتيجەسىندە 11000-نان استام ۇيگە جارتىلاي زيان كەلگەنى انىقتالدى. بيلىك قيراندىلار مەن زارداپ شەككەندەر تۋرالى اقپارات جيناۋدى جالعاستىرۋدا.

اۆتور: اياۋلىم التىنبەك