19:24, 10 - ناۋرىز 2021 | GMT +6
تۇركىستاننان تۇركياعا اۋە رەيسى اشىلادى، بيلەت قۇنى 40 مىڭ تەڭگە
تۇركىستان. قازاقپارات - تۇركىستان قالاسىنداعى جاڭادان اشىلعان اۋەجايدان ۇشاتىن العاشقى حالىقارالىق رەيستەرگە بيلەتتەر ساتىلا باستادى.
بۇل تۋرالى قازاقپارات وڭىرلىك كوممۋنيكاتسيالار قىزمەتىنە سىلتەمە جاساپ حابارلايدى.
«تۇركىستان - ىستانبۇل - تۇركىستان» باعىتىنداعى العاشقى رەيس 2021 -جىلعى 21 - ناۋرىزدا ۇشپاق. باستاپقىدا تۇركىستان جانە ىستانبۇل قالالارى اراسىنداعى اۋە قاتىناسى اپتاسىنا تۇراقتى تۇردە جۇما، جەكسەنبى كۇندەرى 2 رەتتىك جيىلىكپەن قويىلىپ وتىر. كەيىن اپتاسىنا 7 رەيسكە دەيىن ۇلعايىپ، كۇن سايىن ۇشپاق. بيلەت باعاسى 39999 تەڭگەدەن باستالادى. اۋە قاتىناسى كەزىندە بارلىق ءتيىستى سانيتارلىق- ەپيدەميالىق تالاپتار قاتاڭ ساقتالادى. ۇشۋ كەستەلەرى «FlyArystan»
اۋە كومپانياسىنىڭ رەسمي سايتىندا جاريالانىپ تۇرادى.