قازاقستاندا كوروناۆيرۋستان 40 قا جۋىق جۇكتى ايەل قايتىس بولدى
باسپاءسوز ءماسليحاتى بارىسىندا ۆيتسە- مينيسترگە كوروناۆيرۋستان بالالار اراسىنداعى ءولىم- ءجىتىم جايلى سۇراق قويىلعان بولاتىن. ناقتىراق ايتقاندا تىلشىلەر تاراپىنان ك ۆ ي- دان كوز جۇمعانداردىڭ زيراتىنىڭ ىشىنەن كىشكەنباي بالانىڭ مولاسى بولعانى ايتىلعان ەدى. اجار عينيات كوروناۆيرۋستان بالالار اراسىندا ءولىم- ءجىتىم بولماعانىن ايتتى.
«جاڭا تۋعان شاقالاقتىڭ شەتىنەۋى بويىنشا بىزدە ستاتيستيكا جوق. الايدا كوروناۆيرۋس جۇقتىرعاننان كەيىن قايتىس بولعان جۇكتى ايەلدەرگە قاتىستى مۇنداي ستاتيستيكا بار. جۇكتى ايەلدەر اراسىندا 40 قا تارتا ادام كوز جۇمدى. ولار كوروناۆيرۋس جۇقتىرىپ، بوسانار كەزدە جان تاپسىردى»، - دەدى ول.
ەسكە سالا كەتسەك بۇعان دەيىن دەنساۋلىق ساقتاۋ ءمينيسترى الەكسەي تسوي قازاقستاندا كوروناۆيرۋستان 59 مەديتسينالىق قىزمەتكەر كوز جۇمعانىن حابارلاعان بولاتىن.
