قىتايدا كوروناۆيرۋس جۇقتىرعاندار سانى 40 مىڭنان استى

بەيجىڭ. قازاقپارات - قىتايدىڭ حۋبي پروۆينسياسىنان باسقا ايماقتارداعى جاڭا كوروناۆيرۋستى جۇقتىرۋ وقيعاسى 6 كۇننەن بەرى ازايىپ كەلە جاتىر، دەپ حابارلايدى قازاقپارات ءتىلشىسى.

رەسمي ستاتيستيكاعا سايكەس، وتكەن تاۋلىكتە (9-اقپانداعى جاعداي بويىنشا - اۆت. ) ماتەريكتىك قىتايدىڭ حۋبي پروۆينسياسىنان باسقا ايماقتارىندا جاڭا كوروناۆيرۋستى (NCP، Novel Coronavirus Pheunomia) 444 ادام جۇقتىرعان.

وتكەن جەكسەنبىدە دەنساۋلىق ساقتاۋ ىستەرى بويىنشا مەملەكەتتىك كوميتەتتىڭ باسپا ءسوز حاتشىسى مي فەن حۋبي پروۆينسياسىنان تىس اۋماقتا تىركەلگەن ناۋقاستار سانى كۇن سايىن 890 نان (3-اقپانداعى جاعداي) 509 وقيعاعا (8-اقپان) دەيىن ازايعانىن ايتتى. تومەندەۋ %42,8 قۇرادى.

«بۇل الدىن الۋ جانە باقىلاۋ مەحانيزمى، سونىمەن قاتار ق ح ر اكىمشىلىك- اۋماقتارداعى قاتاڭ تارتىپتىك شارالار ناتيجە بەرگەنىن كورسەتەدى»، - دەپ اتاپ ءوتتى شەنەۋنىك.

وتكەن تاۋلىكتە قۇرلىقتىق قىتايدا جاڭا ىندەتتى جۇقتىرعان 3062 ادام تىركەلىپ (حۋبي پروۆينسياسىندا - 2618)، 97 سى ولىممەن اياقتالدى (حۋبيدە - 91)، ساۋىققاندار مەن ەمحانادان شىعارىلعاندار سانى - 632 (حۋبيدە - 356).

سوڭعى مالىمەتتەر بويىنشا، ق ح ر-دا قاۋىپتى ىندەتتى جۇقتىرعانداردىڭ جالپى سانى 40171 دى قۇراعان. 908 ناۋقاس مەرت بولىپ، 3281 ادام ساۋىعىپ، اۋرۋحانادان شىعارىلدى.

وتكەن جەكسەنبىدە كوروناۆيرۋس وشاعىنا اينالعان حۋبي پروۆينسياسى بيلىگى العاش رەت ايماقتا كوروناۆيرۋستان بولعان ءولىم سانىنىڭ پايىزدىق كورسەتكىشىن جاريالادى (8-اقپانداعى جاعداي بويىنشا - اۆت) . كوروناۆيرۋستان بولعان ءولىم- ءجىتىم دەڭگەيى پروۆينسيادا - %2,88، ال اكىمشىلىك ورتالىعى ۋحان قالاسىندا %4,06 دى قۇرايدى.

جالپى قىتايدا ىندەتتەن قازا تاپقانداردىڭ %97 ى حۋبي پروۆينسياسىندا تىركەلگەن.