سەمەيدە 40 قا جۋىق قاراعايدى زاڭسىز ساتقاندار انىقتالدى

سەمەي. قازاقپارات - سەمەيدە جاڭا جىل قارساڭىندا «شىرشا» جەدەل الدىن الۋ شاراسى ءوتىپ جاتىر، دەپ حابارلايدى قازاقپارات قالالىق پوليسيا باسقارماسىنىڭ باسپا ءسوز قىزمەتىنە سىلتەمە جاساپ.

باسپاءسوز قىزمەتىندە تابيعاتتى قورعاۋ پوليسياسىنىڭ قىزمەتكەرلەرى «سەمەي ورمانى» مەملەكەتتىك ورمان تابيعي رەزەرۆاتى م م مەملەكەتتىك ينسپەكتورلارىمەن بىرلەسىپ ورمان قورىن كۇزەتۋ بويىنشا رەيد جۇرگىزەتىنىن حابارلادى. جەدەل الدىن الۋ شاراسى بارىسىندا اعاش پەن اعاش ماتەريالدارىن تاسىمالدايتىن كولىكتەر تەكسەرىلەدى. قالاداعى قىلقان جاپىراقتى اعاشتار ساتاتىن ساۋدا نۇكتەلەرىن انىقتالدى.

«ساتۋشىلاردىڭ ايتۋىنشا، بارلىق شىرشالار مەن قاراعايلار رەسەيدەن اكەلىندى. بازارداعى ءبىر قاراعاي مەن شىرشانىڭ ەڭ تومەنگى باعاسى - 4000 تەڭگە. ولار ۇزاق ۋاقىتقا شىدامايدى، جىلى بولمەدە ولاردىڭ ينەلەرى تەز بۇزىلا باستايدى. رەيد بارىسىندا ءتيىستى قۇجاتتارى جوق 38 قىلقان جاپىراقتى اعاش تاركىلەندى» ، - دەپ تۇسىنىكتەمە بەردى سەمەي قالاسىنىڭ پ ب باسپا ءسوز قىزمەتىندە.

سونىمەن قاتار، پوليتسيا كەسىلگەن قاراعاي ءۇشىن جازا بار ەكەنىن ەسكەرتتى جانە بۇل قىلمىستىق جاۋاپكەرشىلىككە جاتاتىنىن ايتتى.

«زيانكەستەرگە 120 اەك- كە دەيىن ايىپپۇل سالىنادى (303000 تەڭگە) نەمەسە 30 تاۋلىككە دەيىن قاماۋعا الىنادى، ەگەر جويىلعان جانە كەسىلگەن اعاشتار ورمان قورىنىڭ بولىگى بولسا، وندا ايىپپۇل 160 ا ە ك- كە دەيىن (404000 تەڭگە) بولادى نەمەسە 160 ساعاتقا دەيىن قوعامدىق جۇمىستارعا تارتىلادى نەمەسە 40 تاۋلىككە دەيىن قامالادى» ، - دەپ اتاپ ءوتتى پب باسپا ءسوز قىزمەتىندە.

ايتا كەتەيىك، «شىرشا» جەدەل الدىن الۋ شاراسى ايماقتا 2019 -جىلدىڭ 31 - جەلتوقسانىنا دەيىن جالعاسادى.