اقمولادا جىلىنا 40 توننا قويان ەتىن وندىرەتىن فەرما اشىلدى

كوكشەتاۋ. قازاقپارات - تاۋەلسىزدىك مەرەكەسىنە وراي ستەپنوگور قالاسىنا قاراستى يزوبيلنوە اۋىلىندا جىلىنا 40 توننا قويان ەتىن وندىرەتىن فەرما اشىلدى، دەپ حابارلايدى قازاقپارات ءتىلشىسى قالا اكىمدىگىنىڭ باسپا ءسوز قىزمەتىنە سىلتەمە جاساپ.

اكىمدىكتىڭ مالىمەتىنشە، «Diet-kroliк» قويان فەرماسىن اشقان - كاسىپكەر نيكولاي اندريەنكو. كاسىپكەردىڭ ايتۋىنشا، قازىرگى زامانعا ساي جابدىقتالعان فەرمادا ءبىر مەزگىلدە 5 مىڭ قويان ۇستاۋعا بولادى. وسى ارقىلى جىلىنا 40 توننا قوياننىڭ ديەتالىق ەتىن ءوندىرۋ جوسپارلانعان.

قازىرگى كەزدە اقمولا وبلىسى جانە رەسەيدەن ەتتى باعىتتاعى 60 تان استام قويان ساتىپ الىندى.

«الداعى 2020-جىلدىڭ ءساۋىر ايىنان باستاپ العاشقى ءونىم قالا دۇكەندەرىندە ساتىلا باستايدى»، - دەيدى فەرما باسشىسى نيكولاي اندريەنكو.

فەرمانىڭ اشىلۋىنا ستەپنوگور قالاسىنىڭ اكىمى ەركەبۇلان باياحمەتوۆ قاتىسىپ، كاسىپكەردىڭ قولعا العان جۇمىسىنا ساتتىلىك تىلەدى.