افريكا ەلدەرىندە داۋىلدان 40 مىڭعا جۋىق ءۇي قيراعان
نۇر-سۇلتان. قازاقپارات - موزامبيك پەن كومور ارالدارىندا 240 مىڭ ادام گۋمانيتارلىق كومەككە ءزارۋ. اتالعان افريكالىق ەلدەردە بىردەن ەكى جويقىن داۋىل سوعىپ، 40 مىڭعا جۋىق ءۇي قيراعان.
ءبىراق تولاسسىز جاڭبىر سالدارىنان ب ۇ ۇ قىزمەتكەرلەرى ازىرگە شالعاي ورنالاسقان ەلدى مەكەندەرگە ازىق- تۇلىك پەن ءدارى- دارمەك جەتكىزە الماي جاتىر.
ايتا كەتەيىك، «كەننەت» داۋىلى سولتۇستىك افريكا جاعالاۋىنا ءساۋىر ايىنىڭ سوڭىندا سوققان بولاتىن. ناتيجەسىندە سيكلون كەيبىر ەلدى مەكەندەردى تولىقتاي جايپاپ، 38 ادامنىڭ ءومىرىن قيدى. سونىمەن قاتار ءبىر اي بۇرىن افريكادا «يداي» داۋىلى سوققان ەدى. سالدارىنان موزامبيك، مالاۆي جانە زيمبابۆە ەلدەرىندە مىڭداعان ادام كوز جۇمعان بولاتىن.
www.24.kz