دەۆيد بوۋيدىڭ العاشقى ءۇن تاسپاسى اۋكسيوندا 40 مىڭ دوللارعا ساتىلدى

استانا. قازاقپارات - بريتاندىق مۋزىكانت دەۆيد بوۋيدىڭ (1947-2016) I Never Dreamed اتتى العاشقى ءۇن تاسپالارىنىڭ ءبىرى سەيسەنبى كۇنى ۇلى بريتانياداعى اۋكتسيوندا £39,4 مىڭ ($51 مىڭ) قارجىعا ساتىلدى. بۇل تۋرالى The Guardian گازەتى جازدى، دەپ حابارلايدى قازاقپارات.

ماگنيتتى ءۇن تاسپانى بوۋيدىڭ العاشقى توبى - The Konrads بارابانشىسى جانە مەنەدجەرى بولعان دەۆيد حەدفيلد 2018-جىلدىڭ شىلدەسىندە ۇيىنەن كوشىپ جاتقان كەزدە تاۋىپ العان. وندا ءالى تانىلىپ ۇلگەرمەگەن 16 جاستاعى دەۆيد دجونس (بوۋي) I Never Dreamed ءانىن شىرقاعان.

روك- مۋزىكانت جانە اكتەر دەۆيد بوۋي 2016-جىلدىڭ 10- قاڭتارىندا قاتەرلى ىسىكتەن كوز جۇمدى. سول جىلى قاراشادا Sotheby's اۋكتسيون ءۇيى مۋزىكانت تۋىندىلارىنىڭ جەكە كوللەكتسياسىن ساتىلىمعا قويىپ، ەكى كۇننىڭ ىشىندە £33 ميلليون ($43 ميلليون) جينادى.