بوليۆياداعى قاندى كارناۆال: 40 ادام قازا تاپتى
بوليۆيانىڭ ىشكى ىستەر ءمينيسترى كارلوس رومەرو راديوعا بەرگەن سۇحباتى كەزىندە ادامداردىڭ باسىم بولىگى كارناۆال كەزىندە بولعان جول- كولىك وقيعاسى سالدارىنان قازا تاپقانىن حابارلاعان.
«ءۇش كۇنگە سوزىلعان كارناۆالدا 40 ادام مەرت بولدى. 124 ادام ءتۇرلى جاراقات العان. قازا تاپقاندار مەن جاراقات العانداردىڭ باسىم بولىگى جول اپاتى، ورۋرو قالاسىنداعى جارىلىس جانە سۋ تاسقىنى سالدارىنان قايعىلى وقيعاعا تاپ بولعان. سەيسەنبىدەگى جاعداي بويىنشا ەسەپتى قاراۋىمىز كەرەك» ، - دەدى مينيستر رومەرو.
ۇكىمەتتىڭ ەسەبىنە سايكەس، جول اپاتى سالدارىنان 16 ادام قازا تاپقان. ورۋرو قالاسىندا كارناۆال كەزىندە گاز باللونىنىڭ جارىلۋ سالدارىنان سەگىز ادام اجال قۇشتى.
بۇدان بولەك، تاعى سەگىز ادام سۋعا اعىپ كەتسە، تورتەۋى ءولتىرىپ، ۇشەۋى ءوز- وزىنە قول جۇمساعان جانە تاعى بىرنەشە ادامدى ۇسىك شالعان.
جەرگىلىكتى پوليتسيا دەرەگى بويىنشا، بىلتىرعى كارناۆال كەزىندە 67 ادام مەرت بولعان.
