ا ق ش- تا تۇماۋ سالدارىنان 40-قا جۋىق بالا كوز جۇمدى
استانا. قازاقپارات - ا ق ش- تا ماۋسىمدىق تۇماۋ سالدارىنان كوز جۇمعان بالالار سانى 37-گە جەتتى، دەپ حابارلايدى «ر ي ا نوۆوستي» باسىلىمىنا سىلتەمە جاساپ Stan.kz.
حابارلانعانداي، تۇماۋ ا ق ش- تىڭ 39 شتاتى مەن پۋەرتو- ريكو اۋماعىنا تاراعان.
«ءبىز بالالاردىڭ ءولىمى تۋرالى باسقا دا حابارلامالار تۇسەدى دەپ كۇتىپ وتىرمىز. بۇدان باسقا دا قيىن كەزەڭدەردە ءدال وسىنداي جاعداي بولعان»، - دەيدى CDC وكىلى دەن دجەرنيگان.
ونىڭ سوزىنشە، 2014-2015 -جىلدارى تۇماۋ سالدارىنان 148 بالا كوز جۇمعان.
دجەرينگاننىڭ پىكىرىنشە، 2018 -جىلعى ەپيدەميا ءۇش جىل بۇرىنعى ىندەتكە ۇقساس. ول كەزدە جالپى سانى 34 ميلليون ادام تۇماۋعا شالدىعىپ، 710 مىڭ ادام اۋرۋحاناعا تۇسكەن. ال 56 مىڭ ادام قايتىس بولعان ەكەن.
