يراكتا 40 قا جۋىق سودىر دارعا اسىلدى
استانا. قازاقپارات - يراكتا ءولىم جازاسىنا كەسىلگەن «يراك جانە ليەۆانت» لاڭكەستىك ۇيىمىنا مۇشە 38 سودىر دارعا اسىلدى. ەڭ جوعارعى جازا ەلدىڭ وڭتۇستىگىندەگى ناسسيريا قالاسىندا ورىندالدى.
ەل زاڭىنا سايكەس ەكسترەميستىك ۇيىمدارعا قوسىلىپ، اۋىر قىلمىس جاساعاندار ءولىم جازاسىنا كەسىلەدى نەمەسە ءومىر بويىنا باس بوستاندىعىنان ايىرىلادى. الايدا «ادام قۇقىعىن قورعاۋ» جونىندەگى حالىقارالىق ۇيىم بۇعان كۇمانمەن قاراپ، يراكتا لاڭكەستەرگە قارسى شەشىم شىعاراتىن سوت ىستەرى كوبىنە زاڭسىز ورىندالادى دەپ سانايدى. ءبىراق ەلدىڭ ادىلەت مينيسترلىگى سوتتالعانداردىڭ وزدەرىنە شىعارىلعان ۇكىمگە شاعىمدانۋعا ءار كەزدە دە مۇمكىندىگى بار ەكەنىن ايتادى. رەسمي دەرەك بويىنشا، قازىر يراك تۇرمەلەرىندە 10 مىڭداعان سودىر وتىر.
www.24.kz
