كورەيا اقتوبە مەديتسيناسىنا 40 ميلليون دوللار گرانت بولەدى

اقتوبە. قازاقپارات - اقتوبە وبلىسىنىڭ اكىمى بەردىبەك ساپاربايەۆ وڭتۇستىك كورەيانىڭ دەنساۋلىق ساقتاۋ جانە الەۋمەتتىك دامۋ مينيسترلىگىنىڭ، «كورەيا تەلەكوم» كورپوراتسياسىنىڭ، پۋسان ۇلتتىق ۋنيۆەرسيتەتىنىڭ گوسپيتالى مەن پۋسان تەحنوپاركىنىڭ وكىلدەرىمەن كەزدەستى، دەپ حابارلايدى قازاقپارات ءتىلشىسى.
None
None

 ەلباسى نۇرسۇلتان نازاربايەۆتىڭ اقتوبەدە مەديتسينالىق كلاستەردى دامىتۋ تۋرالى تاپسىرماسىنا وراي، وڭىردە وڭتۇستىك كورەيامەن تىعىز بايلانىس ورنادى. ءارى مەملەكەت باسشىسى وڭتۇستىك كورەياعا ساپارى كەزىندە سيفرلىق دەنساۋلىق ساقتاۋ جۇيەسىنە اقپاراتتىق- بايلانىس تەحنولوگيالارىن ترانسفەرتتەۋ كەلىسىمىن جاساعان بولاتىن. قازىر وسى باعىتتاعى جۇمىس جالعاسىپ جاتىر. اقتوبە وبلىسى اكىمىنىڭ باسپا ءسوز قىزمەتى الداعى 5 جىلدا كورەيا 40 ميلليون ا ق ش دولللارى كولەمىندە گرانت بولىنەتىنىن جەتكىزدى.

«مەملەكەت باسشىسى بىزگە دامىعان 30 ەلدىڭ قاتارىنا كىرۋ مىندەتىن قويىپ وتىر. ءبىز بۇل مىندەتكە تەك ءبىلىمدى، سالاۋاتتى ازاماتتارمەن عانا قول جەتكىزە الامىز. وسىعان بايلانىستى مەديتسينالىق كلاستەردى دامىتىپ، كانگنام سيەۆەرانسپەن تىعىز بايلانىستامىز. بىرلەسكەن جۇمىستاردىڭ ناتيجەسىندە وڭىردە بۇيرەك الماستىرۋدىڭ - 29، باۋىر الماستىرۋدىڭ 9 وپەراتسياسى جاسالدى. وبلىستا ساندىق تەحنولوگيالاردى ەنگىزۋدىڭ ەڭ ءتيىمدى شارالارى دا قابىلدانۋدا»، - دەدى وبلىس اكىمى بەردىبەك ساپاربايەۆ.

وڭتۇستىك كورەيا اقتوبە قالالىق ەمحانالارىنا سيفرلىق تەحنولوگيالاردى ەنگىزىپ، سكرينينگتى قاشىقتان وتكىزۋگە قاجەتتى ءتورت مەديتسينالىق قۇرال- جابدىق جيىنتىعىن جەتكىزدى. سونىمەن قاتار، ءار توقسان سايىن ۋلترادىبىستىق اپپاراتتارمەن جۇمىس ىستەۋ، يننوۆاتسيالىق سكرينينگ ادىستەرىن ۇيرەتۋ بويىنشا شەبەرلىك ساباقتارى ۇيىمداستىرىلادى. كەزدەسۋ كەزىندە وڭتۇستىك كورەيا دەنساۋلىق ساقتاۋ مينيسترلىگى ءبولىمىنىڭ ديرەكتورى حيۋن گي پاك نەگىزگى ماقسات سيفرلىق مەديتسينا ورتالىعىن اشۋ ەكەنىن جەتكىزدى.

تاراپتار ىنتىماقتاستىق تۋرالى مەموراندۋمعا قول قويدى.

اۆتور: التىناي ساعىندىقوۆا

null

null

سوڭعى جاڭالىقتار