قازاقستانعا ىرىمشىك شىعاراتىن 40 تان استام كاسىپورىن قاجەت - مىرزاحمەتوۆ
دەپ حابارلايدى قازاقپارات ءتىلشىسى.
«قازىرگى كەزدە رەسپۋبليكا بويىنشا 148 ءسۇت وڭدەۋ كاسىپورنى بار. سونىڭ 41 ءىن جاڭارتۋ قاجەت. ونىڭ ۇستىنە الداعى ۋاقىتتا 42 شاعىن كاسىپورىندى جاڭادان سالۋ كەرەك»، - دەدى اۋىل شارۋاشىلىعى ءمينيسترى اسقار مىرزاحمەتوۆ ۇكىمەتتىڭ بۇگىنگى وتىرىسىندا.
ونىڭ ايتۋىنشا، بۇگىندە بارلىق كاسىپورىندار ءسۇتتىڭ 1,8 ميلليون تونناسىن وڭدەي الۋعا قاۋقارلى. الايدا ونىڭ تەك 1,1 ميلليون تونناسى (60 پايىزى) عانا وڭدەلەدى. الداعى ۋاقىتتا اتالعان كورسەتكىشتى 80 پايىزعا، ياعني 1,6 ميلليون تونناعا دەيىن جەتكىزۋ جوسپارى بار. وسىنىڭ ارقاسىندا وتاندىق ءسۇت ونىمدەرىنىڭ جالپى كولەمىن 49 پايىزعا ارتتىرۋعا بولادى. سوندا شەتەلدەن كەلەتىن سارى ىرىمشىك 70 پايىزدان 51 پايىزعا، سارى ماي 37 پايىزدان 17 پايىزعا، اق ىرىمشىكتىڭ مولشەرى 35 پايىزدان 23 پايىزعا دەيىن تومەندەيدى»، - دەپ اتاپ كورسەتتى مىرزاحمەتوۆ.
مينيسترلىكتىڭ جوسپارىنا سايكەس، ءسۇت وڭدەۋ سالاسىنداعى جاڭا كاسىپورىندار وڭتۇستىك قازاقستان، الماتى، پاۆلودار، باتىس قازاقستان مەن اقتوبە وبلىستارىندا سالۋ جوسپارلانعان. سەبەبى اتالعان ايماقتاردا شيكىزاتتىڭ مول قورى بار.
ايتا كەتەيىك، ءسۇت وڭدەۋ سالاسى وسى سالاداعى كاسىپورىنداردى دامىتۋدىڭ كارتاسىنا ەندى. پرەمەر- مينيستر باقىتجان ساعىنتايەۆ ءونىم وڭدەۋ سالاسىنداعى كاسىپورىنداردى مەملەكەتتىك قولداۋ كاتاسىن ىسكە اسىرۋعا تاپسىرما بەردى. اتالعان قۇجاتتىڭ اياسىندا جەڭىلدەتىلگەن نەسيەلەر بەرىلەدى.
اۆتور: ارمان اسقاروۆ
