قاراعاندى وبلىسىندا 40 تان استام نىسان كيەلى جەرلەر كارتاسىنا ەنۋى مۇمكىن
«بۇگىنگى تاڭدا ءتىزىم انىقتالدى، ونىڭ ىشىندە ءبىزدىڭ وبلىسىمىزدىڭ 40 تان استام جەرى بار، - دەدى ول. - اتالمىش ءتىزىم ورتالىققا جىبەرىلدى. وسى جازدا، مەنىڭ بىلۋىمشە، استانادان كوميسسيا كەلەدى، ول بارلىق اتالعان جەرلەردى ارالاپ شىعادى، سونان سوڭ ولاردىڭ قايسىسىن كارتاعا ەنگىزۋ كەرەكتىگىن شەشەتىن بولادى»، - دەيدى ەركەبۇلان اعىمبايەۆ.
وبلىس اكىمىنىڭ باسپا ءسوز قىزمەتىنىڭ حابارلاۋىنشا، قازىر كوميسسيا مۇشەلەرى بەلگىلى- ءبىر گەوگرافيالىق نىساننىڭ قانشالىقتى ماڭىزدى ەكەنىن انىقتايتىن الگوريتم قۇراستىرىپ جاتىر. قاراعاندى وبلىسىنداعى قاسيەتتى جەرلەردىڭ تىزىمىنە جوشى حان جانە دومباۋىل كەسەنەلەرى جانە اۋليە تاۋ ەنگەنى بەلگىلى.
جوشى حان كەسەنەسى قاراعاندى وبلىسىنىڭ ۇلىتاۋ اۋدانىندا، جەزقازعان قالاسىنان سولتۇستىك- شىعىسقا قاراي 50 شاقىرىم قاشىقتىقتا ورنالاسقان XIII شى عاسىر ساۋلەت ەسكەرتكىشى. اڭىزدارعا ساي كەسەنەدە شىڭعىس حاننىڭ ۇلكەن ۇلى جەرلەنگەن. 1982 -جىلدان باستاپ ەسكەرتكىش مەملەكەت قورعاۋىنا الىنعان.
دومباۋىل كەسەنەسى، كوپتەگەن عالىمداردىڭ پىكىرىنشە، ورتالىق قازاقستاندا ورنالاسقان ەڭ كونە ەسكەرتكىشتەردىڭ ءبىرى بولىپ ەسەپتەلەدى. دومباۋىل كەسەنەسى يسلامعا دەيىنگى كەزەڭگە جاتادى. ول كيىز ءۇي پىشىندەس سالىنعان، جانەدە ورتاازيالىق ساۋلەت ەسكەرتكىشتەرىنەن اناعۇرلىم ەرەكشەلەنەدى. كەسەنە تاس تاقتالاردان سالىنعان.
اۋليە تاۋ - سارى ارقا كونە تاۋ سىلەمدەرىنىڭ ۇلىتاۋداعى ەڭ بيىك نۇكتەسى (1131 م). وسىعان دەيىن قازاقستان پرەزيدەنتى «قازاقستاننىڭ قاسيەتتى رۋحاني قۇندىلىقتارى» جانە «قازاقستاننىڭ كيەلى جەرلەرىنىڭ گەوگرافياسى» اتتى جوبالاردى ىسكە اسىرۋدى تاپسىرعان بولاتىن.
«يدەيانىڭ تۇپكى توركىنى ۇلىتاۋ تورىندەگى جادىگەرلەر كەشەنىن، قوجا احمەت ياساۋي ماۆزولەيىن، تارازدىڭ ەجەلگى ەسكەرتكىشتەرىن، بەكەت اتا كەسەنەسىن، التايداعى كونە قورىمدار مەن جەتىسۋدىڭ كيەلى مەكەندەرىن جانە باسقا دا جەرلەردى ءوزارا ساباقتاستىرا وتىرىپ، ۇلت جادىندا ءبىرتۇتاس كەشەن رەتىندە ورنىقتىرۋدى مەڭزەيدى»، - دەپ پرەزيدەنت ءوزىنىڭ ۇلت ساناسىن رۋحاني جاڭعىرتۋ تۋرالى ماقالاسىندا جازعان بولاتىن.
ەسكە سالا كەتسەك، ق ر مادەنيەت جانە سپورت مينيسترلىگىنىڭ يندۋستريا كوميتەتى قازاقستاننىڭ كيەلى جەرلەرىنىڭ كارتاسىن قۇرۋ بويىنشا جۇمىستاردى باستادى.
