22:13, 06 - ماۋسىم 2017 | GMT +6
استانادا تاكسي جۇرگىزۋشىسى شەتەلدىكتى اۋەجايدان قوناق ۇيگە 40 مىڭ تەڭگەگە جەتكىزگەن
استانا. قازاقپارات - استانادا تاكسي جۇرگىزۋشىسى شەتەل ازاماتىن اۋەجايدان قوناق ۇيگە دەيىن 40 مىڭ تەڭگەگە جەتكىزىپ سالعان، دەپ حابارلايدى «قازاقپارات» ح ا ا ءتىلشىسى استانا قالالىق ءى ءى د باسپا ءسوز قىزمەتىنە سىلتەمە جاساپ.
«6- ماۋسىم كۇنى ساعات 14:00 دە استانا پوليتسياسىنا ۆەنگريا ازاماتى بەلگىسىز تاكسي جۇرگىزۋشىسىنىڭ الداۋ جولىمەن 40 مىڭ تەڭگە سوماسىندا اقشا يەمدەنگەنى تۋرالى شاعىم تۇسىرگەن»، - دەلىنگەن پوليتسيانىڭ حابارلاماسىندا.
پوليتسەيلەر ءىزىن سۋىتپاي 33 جاستاعى تاكسي جۇرگىزۋشىسىن ۇستادى. ول وڭاي ولجاعا كەنەلمەكشى بولىپ، شەتەلدىكتى اۋەجايدان جەلتوقسان كوشەسىندە ورنالاسقان قوناق ۇيگە دەيىن جەتكىزگەنى ءۇشىن وتە قىمبات جولاقى العان.
تاكسي جۇرگىزۋشىسىنىڭ تىركەۋدەن وتكەندىگىن جانە جەكە جۇك تاسۋى ءۇشىن رۇقساتى بارى انىقتالدى، دەدى استانا قالالىق ءى ءى د.
بۇل فاكتى سوتقا دەيىنگى تەرگەۋدىڭ بىرەگەي تىزىلىمىندە «الاياقتىق» بابى بويىنشا تىركەلدى. تەرگەۋ جۇمىستارى ءجۇرىپ جاتىر.