كوزى كورمەسە دە 40 جىل بويى پوشتاشى بولعان قاريا

 استانا. قازاقپارات - پاكىستان مەملەكەتىنىڭ قيىر تۇكپىرىندەگى حاريپۋر اۋىلىنىڭ تۇرعىندارى كۇن سايىن تاڭەرتەڭگىسىن حات- حابار جەتكىزىپ تۇراتىن انۆار اقساقالدى كورمەي قالسا، كوڭىلدەرى قوڭالتاقسىپ تۇراتىنداي.

پوشتاشى بولىپ قىزمەت اتقاراتىن مۋحامماد انۆاردى بۇل اۋىلداعىلاردىڭ بارلىعى جاقسى تانيدى جانە ونى حافيز ساحيب دەپ اتايدى ەكەن. بۇعان قاريانىڭ تۋابىتتى كوزى كورمەيتىندىگى سەبەپ بولسا كەرەك.

تاياعىمەن تۇرتىنەكتەپ ءجۇرىپ اۋىل شەتىندەگى ۇيگە دەيىن اداسپاي بارىپ كەلەتىن انۆار اقساقال كۇن سايىن 12 شاقىرىم جەردى باسىپ وتەتىن كورىنەدى. 44  جىل بويى وسى قىزمەتتە كەلە جاتقان اقساقال جولدىڭ ءاربىر شۇڭقىرىن جاتتاپ العانىن ايتادى. بۇعان قوسا، اۋىلداعى ءاربىر جاندى داۋسىنان تانيتىن كورىنەدى.

انۆاردىڭ قوس جانارى تۋىلعاننان بەرى كورمەيدى ەكەن. ءبىر قيىنى، ونىڭ اناسى دا، باۋىرى مەن قارىنداسى دا جارىق دۇنيە ساۋلەسىن كورمەگەن سۋقاراڭعى بولىپ تۋىلعان ەكەن. اكەلەرى قايتىس بولعاننان كەيىن وتباسىن اسىراۋ قيىندىعى جالعىز انۆاردىڭ موينىنا ارتىلعان. بۇعان قوسا، انۆار اناسىنىڭ تانىستىرۋىمەن ءبىر قىزعا ۇيلەنىپ، وتباسىن دا قۇرعان. قازىرگى كەزدە ونىڭ كىندىگىنەن تاراعان ءتورت بالاسى بار.

Muslim.kz