تالعات ەرمەگيايەۆتىڭ كولىكتەرى 40 ميلليونعا باعالاندى

استانا. قازاقپارات - ساۋدا قورىتىندىسى بويىنشا «استانا ەكسپو-2017» ۇ ك» بۇرىنعى باسشىسى تالعات ەرمەگيايەۆتىڭ كولىكتەرى جەمقورلىققا قارسى كۇرەس قىزمەتى جانە استانانىڭ مەملەكەتتىك ساتىپ الۋ باسقارماسىنا ءوتتى، - دەپ حابارلايدى Tengrinews.kz ءتىلشىسى مەملەكەتتىك مۇلىك جانە جەكەشەلەندىرۋ باسقارماسىنىڭ باسپا ءسوز قىزمەتىنە سىلتەمە جاساپ.

بۇگىندە سوت شەشىمىمەن دەپارتامەنتكە مەملەكەتتىك بيۋدجەتتەن ءىرى كولەمدە قارجى جىمقىرعانى ءۇشىن 14 جىلعا سوتتالعان تالعات ەرمەگيايەۆقا تيەسىلى بولعان ءۇش اۆتوكولىك - 2009-جىلعى Mercedes-Benz 500S جانە 2010، 2014-جىلعى ەكى Lexus LX 570 ءوتتى.

«پروتوكولعا سايكەس، قۇنى 8,7 ميلليون تەڭگەگە باعالانعان 991 DXA 01 ءنومىرلى Mercedes-Benz 500S جانە 19,4 ميلليون تەڭگەگە باعالانعان 072 ا س 01 ءنومىرلى LX 570« سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ مەملەكەتتىك قىزمەت ىستەرى جانە جەمقورلىققا قارسى ءىس-قيمىل اگەنتتىگىنە بەرىلدى.

12, 5 ميلليون تەڭگەگە باعالانعان 814 ETA 01 ءنومىرلى Lexus LX 570 استانا قالاسىنىڭ كوممۋنالدىق مۇلىك جانە مەملەكەتتىك ساتىپ الۋ باسقارماسىنا بەرىلدى»، - دەيدى باسپا ءسوز قىزمەتىنىڭ وكىلدەرى.

تالعات ەرمەگيايەۆتىڭ كولىكتەرىن مەملەكەتتىك ورگاندارعا وتكىزۋ ءۇشىن 12- جەلتوقساندا ساۋداعا قويعان بولاتىن.

ەسكە سالايىق، ءىستىڭ باستى فيگۋرانتى تالعات ەرمەگيايەۆ 14 جىلعا باس بوستاندىعىنان ايىرىلعان ەدى. سونىمەن قاتار، ونىڭ مۇلكى تاركىلەنىپ، مەملەكەتتىك جانە كوممەرتسيالىق ۇيىمداردا جەتەكشىلىك قىزمەت ەتۋ قۇقىعىنان ءومىر بويىنا ايىرىلدى. ەرمەگيايەۆتەن جالپى الماتىداعى پاتەرى، استانا مەن الماتىداعى جەر ۋچاسكەلەرى، بىرنەشە بانكتەگى قاراجات، بىرنەشە ج ش س- داعى ۇلەسى جانە كولىكتەرى تاركىلەنگەن ەدى. ال تاياۋدا ونىڭ جازاسىن استاناداعى قاتاڭ تارتىپتەگى كولونيادا وتەپ جاتقانى حابارلاندى.