14:37, 27 - قاراشا 2016 | GMT +5
احمەتوۆ وسكەمەنگە تاعى 40 قار تازالاۋ تەحنيكاسىن جۇمىلدىردى
وسكەمەن. قازاقپارات - تۇندە شىعىس قازاقستان وبلىسىنىڭ اكىمى دانيال احمەتوۆ وسكەمەندەگى قار تازالاۋ ماسەلەلەرى بويىنشا جينالىس وتكىزدى. وعان قالالىق كوممۋنالدىق قىزمەت باسشىلارىنان وزگە دە جولعا قىزمەت كورسەتۋمەن اينالىساتىن وبلىستىق قىزمەتتەر مەن كاسىپورىن باسشىلارى قاتىستى.
جينالىس سوڭىندا ءوڭىر باسشىسى وسكەمەندى قاردان تازارتۋ ءۇشىن وبلىستاعى جول كومپانيالارىنان قوسىمشا ارنايى تەحنيكالار الۋ تۋرالى بۇيرىققا قول قويدى، دەپ حابارلادى قازاقپارات ءتىلشىسى.
اۆتوگرەيدەر، بۋلدوزەر، شنەكوروتور، تراكتور، جۇك تيەگىش سەكىلدى 40 تەحنيكا وبلىس ورتالىعىنىڭ شاعىن اۋداندارىنا ءبولىندى. وسكەمەن اكىمىنە قوسىمشا الىنعان تەحنيكالارمەن ۇزدىكسىز جۇمىستى ۇيىمداستىرۋ مىندەتى جۇكتەلدى. ش ق و ىشكى ىستەر دەپارتامەنتىنە جول تەحنيكاسىن الىپ ءجۇرۋ مەن كەدەرگىسىز جۇمىس ىستەۋىن قامتاماسىز ەتۋ تاپسىرىلدى. جۇمىلدىرىلعان كاسىپورىنداردىڭ شىعىنىن وتەيتىن قاراجات وبلىستىق بيۋدجەتتەن بولىنەدى. وسكەمەندەگى قاردى تازالاۋ بويىنشا كوممۋنالدىق قىزمەت جۇمىس بارىسىن دانيال احمەتوۆتىڭ ءوزى ءجىتى قاداعالايتىن بولادى.
