14:51, 01 - تامىز 2016 | GMT +5
سولتۇستىك كورەيانىڭ پارتيا گەنەرالى 40 ميلليون دوللارمەن ەلدەن قاشقان
استانا. قازاقپارات - سولتۇستىك كورەيادا پارتيا گەنەرالى 40 ميلليون دوللارمەن ەلدەن قاشقان، - دەپ حابارلايدى KBS تەلەارناسى.
«قاشقىن كورەيانىڭ ەڭبەك پارتياسىنىڭ 39- بولىمىندە جۇمىس جاساعان. ول وزگە مەملەكەتتەردە جۇمىس ىستەيتىن ازاماتتاردىڭ ەلگە قۇياتىن شەتەلدىك ۆاليۋتاسىن قابىلداۋعا جاۋاپتى بولعان»، - دەلىنگەن حابارلامادا.
تەلەارنانىڭ مالىمەتى بويىنشا، اسكەري شەنەۋنىك «قاشۋ جوسپارىن شىلدە ايىنىڭ ورتاسىندا ىسكە اسىرعان جانە قازىرگى كەزدە ءوز وتباسى مۇشەلەرىمەن قىتايدا ءجۇر جانە ءۇشىنشى مەملەكەتكە جەر اۋدارماق».
Kaz.tengrinews.kz
