ق ر اكەلىم باجىن تولەمەي جىلىنا 40 مىڭ توننا تيتان وكسيدىن يمپورتتاي الادى
بۇگىنگى تاڭدا تيتان وكسيدىنىڭ كەدەندىك اكەلىم باجى كەدەندىڭ قۇنىنىڭ %5 قۇرايدى.
ءتاريفتى جەڭىلدىك 2016 -جىلدىڭ 1 -قىركۇيەگىنەن 2021 -جىلدىڭ 31 -تامىزىنا دەيىن ەنگىزىلەدى جانە ول اەروعارىش سالاسىندا پايدالانىلاتىن تيتان كەسەكتەرى مەن قۇيمالارىنىڭ وندىرىسىنە ارنالعان تيتان وكسيدتەرىنە قاتىستى بولماق. باج تولەۋدەن بوساتىلۋ ءۇشىن ق ر وكىلەتتى ورگانى بەرگەن اكەلىم تاۋارىن ماقساتتى باعىتىن راستايتىن قۇجاتتى ۇسىنۋى ءتيىس.
«بۇل شەشىم دايىن ءونىمنىڭ وزىندىك قۇنىن تومەندەتۋگە جانە الەمدىك نارىقتاعى ونىڭ باسەكەگە قابىلەتتىلىگىن ارتتىرۋعا كومەكتەسەدى. كوميسسيا بۇل شەشىممەن تيتان ءونىمىن وندىرۋشىلەردىڭ تاۋارىن ەكسپورتقا شىعارۋى باعىتىندا قولداۋ كورسەتۋگە تالپىنىپ جاتىر»، - دەدى ە ە ك ساۋداسى بويىنشا مينيستر ۆەرونيكا نيكيشينا.
كوميسسيا اقپاراتىنشا، الەمدىك نارىقتاعى قازاقستاندا وندىرىلەتىن تيتان ۇلەسى شامامەن %11 قۇرايدى. ال اۆياعارىش سالاسىنداعى ۇلەسى %17 استام.