قىزىلورداعا سىيىمدىلىعى جوعارى 40 اۆتوبۋس اكەلىنەدى
بۇل تۋرالى بۇگىن «سىر مەديا» ج ش س جانىنداعى وبلىستىق كوممۋنيكاتسيا ورتالىعىنىڭ بريفينگىندە « قىزىلوردا اۆتوبۋس پاركى» ج ش س- نىڭ ديرەكتورى ءانۋار ناقىپ ءمالىم ەتتى.
وبلىس اكىمدىگىنىڭ باسپا ءسوز قىزمەتىنىڭ حابارلاۋىنشا، 1- شىلدەدەن باستاپ قوعامدىق كولىكتەردە جولاقى قىمباتتاعان. قالا اكىمىنىڭ ورىنباسارى اسىلبەك شامەنوۆتىڭ ايتۋىنشا، ءتاريفتىڭ وزگەرۋىنە جانار-جاعارماي مەن جابدىقتاۋ ونىمدەرى باعاسىنىڭ جوعارىلاۋى سەبەپ بولدى.
- قازىر قالادا جۇرگەن اۆتوبۋستاردىڭ كوبىنىڭ سىيىمدىلىعى تومەن. باسىم بولىگى ەسكىرگەن. جولاۋشىلار تاسىمالى ساپاسىن جاقسارتۋ ماقساتىندا قوعامدىق كولىكتەر قاتارىن نەگىزىنەن ۇلكەن سىيىمدىلىقتاعىمەن تولىقتىرۋعا كوڭىل ءبولىنىپ وتىر. قىزىلوردا وبلىسىنىڭ اكىمدىگى، «بايقوڭىر» الەۋمەتتىك كاسىپكەرلىك كورپوراتسياسى، ەۋروپالىق قايتا قۇرۋ جانە دامۋ بانكىمەن اراداعى كەلىسىمشارتقا بايلانىستى كۇنى بۇگىنگە دەيىن وسىنداي 30 اۆتوبۋس الىندى. شىلدەنىڭ سوڭىنا دەيىن تاعى 40 اۆتوبۋس اكەلىنەدى دەگەن جوسپار بار، - دەدى اۆتوپارك ديرەكتورى.
قازىرگى كۇنى وبلىس ورتالىعىندا 25 قالالىق جانە قالا سىرتىنا قاتىنايتىن 6 باعىتتا بارلىعى 840 اۆتوبۋس جانە ميكرواۆتوبۋس ەكى اۋىسىم بويىنشا جۇمىس ىستەۋدە.