08:20, 05 - شىلدە 2016 | GMT +6
ءبىر اعاشتا 40 ءتۇرلى جەمىس ءوسىپ تۇر - كەسكىن
استانا. قازاقپارات - نيۋ- يوركتەگى سيراكۋز ونەر ۋنيۆەرسيتەتىنىڭ وقىتۋشىسى سەم ۆان اكەن ءارى سۋرەتشى ءارى سەلەكسيونەر.
ءبىر جولى ول كوكتەمدە كادىمگى اعاشقا ءتۇرلى جەمىستى اعاشتىڭ بۇتاقتارىن تەلىپ بۋدانداستىرعان.
العاشقى تاجىريبە ءساتتى ءوتتى، بۇتاقتار گۇلدەپ جەمىس بەردى. جىل سايىن اتالمىش اعاشقا تەلىنگەن ءتۇرلى جەمىس بۇتاقتارى دا كوبەيە ءتۇسىپ ولاردىڭ سانى قىرىققا جەتتى.
كوپ تەكتى اعاشتا ورىك، شابدالى، الحورى، شيە، بادام، الما جانە المۇرتتىڭ بىرنەشە ءتۇرى ءوسىپ تۇر. ءار جەمىستىڭ پىسەتىن مەزگىلى ءار ءتۇرلى بولعاندىقتان اعاش جىل بويى جەمىس بەرەدى. جىل بويى اعاشتىڭ بويىندا اق- قىزىل تۇسكە بويالعان ءتۇرلى گۇلدەر ءوسىپ تۇرادى.
سەم وسىنداي اعاشتى 2008 -جىلى ءوسىردى. سودان بەرى كوپ جەمىس بەرەتىن 16 گيبريد اعاش بۋدانداستىرىلدى. ولاردى نيۋ- يورك ساياباعىنان، مۇراجايلاردان جانە دە الەمنىڭ تۇكپىر- تۇكپىرىندەگى ساۋدا ورتالىقتارىنان كورۋگە بولادى.