قازاقستاندا 40 تاۋلىككە تەرروريستىك قاۋىپتىلىكتىڭ ءبىرقالىپتى «سارى» دەڭگەيى بەلگىلەندى

استانا. قازاقپارات - جاعدايدى ەسكەرە وتىرا ق ر ۇ ق ك ءتوراعاسى گەنەرال-لەيتەنانت ۆ. ز. جۇماقانوۆ ەل اۋماعىندا 40 تاۋلىككە تەرروريستىك قاۋىپتىلىكتىڭ ءبىرقالىپتى «سارى» دەڭگەيى بەلگىلەگەنىن ق ر ۇلتتىق قاۋىپسىزدىك كوميتەتى حابارلادى.

«ق ر پرەزيدەنتىنىڭ جارلىعىمەن بەكىتىلگەن مەملەكەتتىك اقپاراتتار مونيتورينگى جۇيەسى مەن تەررورلىق اكت قاۋپىنىڭ تۋۋى تۋرالى تۇرعىندارعا حابارلاۋدىڭ مەملەكەتتىك جۇيەنىڭ ۇيىمداستىرىلۋى مەن ىستەۋى ەرەجەسىنىڭ 4-تاراۋىنا سايكەس الماتى، اقمولا، اقتوبە، اتىراۋ، شىعىس قازاقستان، باتىس قازاقستان، جامبىل، قاراعاندى،  قىزىلوردا، قوستاناي، ماڭعىستاۋ، پاۆلودار، سولتۇستىك قازاقستان جانە وڭتۇستىك قازاقستان وبلىستارىندا، استانا جانە الماتى قالالارىندا 40 تاۋلىككە تەرروريستىك قاۋىپتىلىكتىڭ ءبىرقالىپتى «سارى» دەڭگەيى بەلگىلەنگەن»، - دەپ حابارلادى ق ر ۇ ق ك.