الماتىدا ناۋرىز: قالا سىرتىنداعى كوكمايسادا 40 كيىز ءۇي تىگىلدى - فوتو
مەيرامدى «كازكا» كاسىپكەرلەر قاۋىمداستىعى، الماتى بيزنەس قاۋىمداستىعى، «تامشى» عىلىم- ءبىلىم قورى ۇيىمداستىردى.
«ناۋرىزدى ءۇش جىلدان بەرى وسىلاي اۋقىمدى اتاپ ءوتىپ كەلەمىز. ول كەزدە 15 كيىز ءۇي تىگەتىنبىز. بۇگىن ۇيلەردىڭ سانى 40-قا جەتتى. مەرەكەگە قوناق رەتىندە كەلگەن كاسىپكەرلەردىڭ وزدەرى ءۇي تىگىپ جاتىر. ءبىر قىزىعى، كىرگەن ادامدار قانشا تولەۋ كەرەك دەپ سۇرايدى. قازاقتار وتە قوناقجاي حالىق. قوناق كۇتۋ - ءبىزدىڭ داستۇردە بار»، - دەدى «SPSE Kazakhstan» ديرەكتورى جانىبەك احاشيەۆ.
جايلاۋدا وتكەن مەرەكەدە ءار ۇيىم داستارحاننىڭ بايلىعى مەن ءۇيدىڭ ەڭسەلىلىگى بويىنشا باسەكەلەستى دەسەك ارتىق بولماس.
كەلۋشىلەر وسىدان بىرنەشە عاسىر بۇرىنعى قازاقى اۋىلعا كەلگەندەي بولدى.
ۇلتتىق تاعامداردان بولەك ولار ارقان تارتۋ، توعىزقۇمالاق، كوكپار، قازاقشا كۇرەستەن باق سىناستى.
