ماماندار بوزشاكولدە قازبا- بايلىقتىڭ 40 جىلعا جەتەتىن قورىن انىقتاپ وتىر
قازىرگى تاڭدا كەندى ساۋداعا شىعارۋعادايىندىق ءجۇرىپ جاتىر. ال 2017 - جىلى تولىق جوبالىق قۋاتىنا كوشەتىن كاسىپورىن تاۋلىگىنە مىس كونسەنتراتىنىڭ 20 ۆاگونىن جونەلتۋدى جوسپارلاپ وتىر، دەپ حابارلايدى 24.kz.
سونداي- اق كومبينات بيىل 45-65 مىڭ توننا كاتودتى مىس پەن 50-70 مىڭ ۋنتسيا التىن كەسەكتەرىن وندىرەدى. ءىرى كاسىپورىن زاماناۋي تەحنيكالارمەن جابدىقتالعان. قازىلعان كەن ديىرمەندەرگە ۇزىندىعى 2,5 شاقىرىم بولاتىن جەلىلىك كونۆەيەرمەن جەتكىزىلەدى. ماماندار بوزشاكولدە قازبا- بايلىقتىڭ 40 جىلعا جەتەتىن قورىن انىقتاپ وتىر. قازىر تاۋلىگىنە 74 مىڭ توننا كەن قازىلسا، جوبالىق قۋاتتىلىققا شىققاندا 120 مىڭ تونناعا جەتىپ، جىلىنا 25 ميلليون توننا كەن وڭدەلمەك.
«وسى سەحتىڭ ىشىندە كەن ودان ارى قاراي ۇنتاقتالىپ، ودان كەيىن وسى فلوتاتسيالاۋ پروتسەسىنەن كەيىن مىس كونسەنتراتى جانە قوسىمشا تاعى دا موليبدەن كونسەنتراتى شىعادى. «نەگىزىندە وسى بوزشاكول كەن بايىتۋ فابريكاسى جىلىنا 25 ميلليون توننا كەن وندىرۋگە باعىتتالعان»، - دەيدى بوزشاكول كەن بايىتۋ كومبيناتى كەن الۋ جانە ۇنتاقتاۋ ءبولىمىنىڭ شەبەرى ارمان مۇقانوۆ.
