الماتىدا 40 جىل بۇرىن سالىنعان عيمارات جاڭا كەيىپكە ەنەدى - فوتو

الماتى. قازاقپارات - الماتىدا 40 جىل بۇرىن سالىنىپ، 10 جىلدان بەرى اپاتتى جاعدايدا تۇرعان عيمارات جاڭا كەيىپكە ەنەتىن بولدى.

پۋشكين 118/16 مەكەنجايىندا ورنالاسقان ساياسي اعارتۋ عيماراتى الماتىنىڭ جاڭا كورنەكتى ورنىنا اينالماق.

ايتا كەتۋ كەرەك، عيمارات 1977 -جىلى سالىنعان. قازىر نىسانداعى بارلىق قاباتتاعى تىرەۋ باعاندارى بۇزىلعان، كارىز جانە سۋ جۇيەسى اجىراتىلعان.

قازاق ۇلتتىق ساۋلەت جانە قۇرىلىس عىلىمي زەرتتەۋ ينستيتۋتىنىڭ جۇرگىزگەن ساراپتاماسى بويىنشا، عيماراتتىڭ باستى تىرەك كونسترۋكسيالارى جەر سىلكىنىسىنە توتەپ بەرۋگە قاۋقارسىز.

ءوز كەزەگىندە نىساننىڭ جاڭا قوجايىنى «قازاق مىس» كورپوراتسياسى ج ش س تاريحي نىساننىڭ سىرتقى كەلبەتىن زاماناۋي ساۋلەتتىك تالاپقا ساي وزگەرتەمىز دەدى.

قۇرمانعازى كوشەسىنە شىعاتىن جاعىندا 14 مەترلىك كونسول سالىنباق. ال عيماراتتىڭ استىندا 325 اۆتوكولىككە ارنالعان اۆتوتۇراق سالىنادى.

سونداي- اق، عيماراتتىڭ ىشىنە مۇمكىندىگى شەكتەۋلى ادامدار وڭاي كىرەتىن بولادى. 10 گرادۋس كولبەۋدە پاندۋستار سالىنادى.

استىڭعى قاباتتا قوعامدىق ورىندار، اسحانا، سپورت كەشەنى، رەسەپشن، جوعارعى قاباتتارىندا كەڭسەلەر ورنالاسادى.

 

اۆتور: گۇلميرا عوسمان-ءالي