دزيۋدو: الماتىعا الەمنىڭ 40 ەلىنەن ەڭ تاڭداۋلى بالۋاندار كەلگەلى جاتىر

استانا. قازاقپارات - دزيۋدو كۇرەسىنەن الماتى قالاسىندا وتەتىن الەمدىك «Grand Prix» جارىسىنا 40 مەملەكەتتىڭ سپورتشىلارى قاتىساتىندارىن راستادى.

بۇل تۋرالى ق ر دزيۋدو فەدەراتسياسىنىڭ باسپا ءسوز قىزمەتى حابارلادى.

مامىردىڭ 13-15- ارالىعىندا الماتى قالاسىندا ليتسەنزيالىق «Grand Prix»  جارىسى وتكىزىلەدى. وسى ۋاقىتتىڭ وزىندە وعان قاتىساتىندارىن 40 مەملەكەتتىڭ سپورتشىلارى راستادى.

  تىركەۋ جۇمىستارى ءالى دە جالعاسۋدا. بۇل «Grand Prix» حالىقارالىق تۋرنيرلەرىنىڭ اراسىنان وليمپياداعا جولداما الۋ ءۇشىن ۇپاي بەرىلەتىن جارىستاردىڭ سوڭعىسى. مۇنان كەيىن تەك «World Masters»     تۋرنيرى وتكىزىلەدى. ول جارىستا دا جولداما ءۇشىن ۇپايلار بەرىلەدى.

جارىس بالۋان شولاق اتىنداعى سپورت سارايىندا ۇيىمداستىرىلادى.