رادوۆان كارادجيچ 40 جىلعا تۇرمەگە كەسىلدى
دەپ حابارلادى Reuters اگەنتتىگىنە سىلتەمە جاساپ.
بۇرىنعى يۋگوسلاۆيا بويىنشا حالىقارالىق تريبۋنال 70 جاستاعى سەرب ساياساتكەرىن وعان تاعىلعان 11 ايىپتىڭ 10-ىنا جاۋاپتى دەپ تانىدى. ول ادامزاتقا قارسى قىلمىستارى - جاپپاي كىسى ءولتىرۋ مەن قۋعىن- سۇرگىن، سرەبرەنيتسا انكلاۆىنداعى مۇسىلماندارعا گەنوتسيدى، بوسنيالىق استانا - سارايەۆونى قورشاۋعا الۋدى ۇيىمداستىرعانى جانە ب ۇ ۇ قىزمەتكەرلەرىن كەپىلگە العانى ءۇشىن سوتتالدى.
ب ۇ ۇ ادام قۇقىقتارى جونىندەگى جوعارعى كوميسسارى زەيد رااد ءال- حۋسەين «كارادجيچكە شىعارىلعان ۇكىم ۇلتتىق سەزىمدى ويىنشىققا اينالدىرىپ، ۇلتتىق ازشىلىققا كورسەتكەن ءجابىرى ءۇشىن ەۋروپاداعى جانە بۇكىل الەمدەگى كوشباسشىلارعا ەسكەرتۋ بولادى»، دەپ مالىمدەدى.
1992 - جىلى ءبىرتۇتاس يۋگوسلاۆ مەملەكەتى قۇلاعاننان كەيىن بوسنيادا ۇلىستىق جانە ءدىني الاۋىزدىقتار سالدارىنان ازاماتتىق سوعىس ءورشىدى. ءجۇز مىڭعا تارتا ادام ونىڭ قۇربانى بولدى.
1995 - جىلى حالىقارالىق قوعامداستىقتىڭ ارااعايىندىعىمەن جاۋلاسقان تاراپتار تاتۋلاسىپ، ەكى اۆتونوميالىق قۇرىلىممەن بوسنيا جانە گەرتسەگوۆينا فەدەراتسياسى دەپ اتالاتىن زاماناۋي مەملەكەت قۇرىلدى.
