17:47, 12 - ناۋرىز 2016 | GMT +5
انگولا پرەزيدەنتى 40 جىلدان سوڭ بيلىكتەن كەتۋدى ۇيعاردى
استانا. قازاقپارات - 40 جىل بويى ەلدىڭ بيلىك باسىندا بولعان انگولا پرەزيدەنتى جوزە ەدۋاردۋ دۋش سانتۋش، 2018-جىلى بولاتىن پرەزيدەنتتىك سايلاۋعا قاتىسپايتىندىعىن مالىمدەدى.
«مەن بيلىكتەن كەتۋدى، ءسويتىپ 2018-جىلى ساياسي ءومىرىمدى اياقتاۋدى ۇيعاردىم»، - دەدى 73 جاستاعى ساياساتكەر ەلدىڭ بيلىكتەگى پارتياسىنا جولداعان ءوز ۇندەۋىندە.
دۋش سانتۋش 1978-جىلدىڭ قىركۇيەگىنەن بەرى پرەزيدەنتتىك لاۋازىمدا. ول بۇدان بۇرىن ءوزىنىڭ ساياسي مانسابىن 2001-جىلى اياقتاۋدى ءمالىم ەتكەن بولاتىن. ءبىراق كەزەكتى رەت قايتا سايلانىپ، بيلىك باسىندا قالعان ەدى.
ەسكە سالا كەتسەك، انگولا الەمدە مۇنايدى ەكسپورتقا شىعارۋ كولەمىنەن ەكىنشى ورىندا. ال مۇناي باعاسىنىڭ قۇلدىراۋى بۇل ەلدىڭ ەكونوميكاسىنا قاتتى اسەر ەتتى، دەپ حابارلايدى BBC.
