07:37, 29 - جەلتوقسان 2015 | GMT +5
ساۋد ارابياسى ەل ىشىندە بەنزينگە باعانى 40 پايىزعا كوتەردى
استانا. قازاقپارات - ساۋد ارابياسى بيلىگى بيۋدجەتتىڭ رەكوردتىق تاپشىلىعىنا بايلانىستى ەل ىشىندە بەنزينگە باعانى 40 پايىزعا كوتەردى. ەندى كورولدىكتە بەنزيننىڭ ليترى - 24 سەنت.
ساۋد ارابياسىندا بەنزينگە جانە كەيبىر كوممۋنالدىق قىزمەتتەرگە باعا سۋبسيديا ەسەبىنەن ءداستۇرلى تومەن دەڭگەيدە ۇستالۋدا. ەل مۇناي ءوندىرىسى بويىنشا الەمدىك كوشباسشى بولىپ تابىلادى. باعانى ءبىر جارىم ەسەگە كوتەرۋدى ساراپشىلار سوڭعى ونجىلدىقتاعى ەلدەگى ءىرى رەفورما دەپ اتاۋدا.
دۇيسەنبىدە ساۋد ارابياسى ۇكىمەتى جىلدىڭ رەكوردتىق بيۋدجەت تاپشىلىعىمەن اياقتالاتىندىعىن مالىمدەگەن بولاتىن. تاپشىلىق 97,9 ميلليارد دوللار، نەمەسە ءى ج ءو 15 پايىزى دەپ باعالانۋدا.
كەيبىر ساراپشىلاردىڭ پىكىرىنشە، تاپشىلىقتىڭ قالىپتاسۋىنا مۇنايعا باعانىڭ تومەندەۋى ەلەۋلى فاكتور بولعان، دەپ حابارلايدى بي- بي- سي.
فوتو: Reuters
