12:25, 17 - جەلتوقسان 2015 | GMT +5
ءوز ۇلدارىن اشتان قاتىرعان اتا- انا 40 جىلعا سوتتالدى
استانا. قازاقپارات - ا ق ش- تىڭ پەنسيلۆانيا شتاتىندا حارريسبۋرگ سوتى ەرلى- زايىپتى دجاررەد پەن كيمبەرلي تاتكوعا ءوز ۇلدارىن اشتان ولتىرگەنى ءۇشىن ۇكىم شىعاردى، دەپ حابارلادى ت ا س س.
سوت شەشىمى بويىنشا 39 جاستاعى دجاررەد تاتكو 42 جىلعا سوتتالدى، ال ونىڭ 40 جاستاعى ايەلى كيمبەرلي تەمىر توردا 40 جىلىن وتكىزەدى.
سوتتا ەرلى- زايىپتىلار ءوز ايىپتارىن تولىقتاي مويىندادى. ولار اۋتيزممەن اۋىراتىن 9 جاستاعى ۇلدارىن ۇزاق ۋاقىت بويى سانالى تۇردە اش ۇستاعان. ونى جەكە بولمەدە قاماپ ۇستاعان. ايىپتاۋ تارابى بالانىڭ ولەر ساتىندە سالماعى نەبارى سەگىز كەلى بولعانىن مالىمدەدى.
