مۇناي باعاسى 40 دوللاردان تومەندەسە، تەڭگە باعامىنا تۇزەتۋ ەنگىزىلەدى - ق ر ۇلتتىق بانكى
بۇل تۋرالى بۇگىن اقوردادا ەلباسى نۇرسۇلتان نازاربايەۆتىڭ توراعالىعىمەن ءوتىپ جاتقان ق ر ۇكىمەتىنىڭ كەڭەيتىلگەن وتىرىسىندا ۇلتتىق بانك ءتوراعاسى دانيار اقىشيەۆ ءمالىم ەتتى.
«قازىرگى ۋاقىتتا تەڭگەنىڭ رەسەيلىك رۋبلگە پاريتەتى ناقتى اعىمداعى كورسەتكىشى ەسەبى ارقىلى، ياعني، ينفلياتسيانى ەسكەرە وتىرىپ قول جەتكىزىلدى. ياعني، ءبىز 2014-جىلدىڭ باسىنداعى مۇناي باعاسى قۇلدىراپ، رەسەيلىك رۋبل ديەۆالۆاتسياعا ۇشىراعان كەزگە جەتتىك. تاياۋ ارالىقتا باعامنىڭ ايتارلىقتاي وزگەرىسكە ۇشىراي قويۋى نەعايبىل. تەرىس سەناريلەردىڭ باسىم بولىگى ورىن الىپ بولدى. ياعني، مۇناي باعاسى ەكى ەسەدەن استامعا قۇلدىرادى، رۋبل قۇنى ءتۇستى»، - دەدى ول.
ونىڭ اتاپ وتۋىنشە، تاياۋ ارالىقتا سىرتقى كونيۋكتۋرانىڭ ايتارلىقتاي ناشارلاۋى بايقالىپ وتىرعان جوق. سوندىقتان ۇلتتىق بانك تەڭگە باعامى تۇزىلىمىنە ىقپال ەتپەيتىن بولادى.
«ءبىز ىرگەلى ترەندتەرگە ارالاسپايتىن بولامىز. ياعني، ەگەر مۇناي باعاسى باررەلىنە 40 دوللاردان تومەندەيتىن بولسا، وندا باعام تۇزەتىلەتىن بولادى»، - دەگەن د. اقىشيەۆ مۇنداي جايت ورىن العاننىڭ وزىندە دە ايىرباس باعامىنىڭ كۇرت السىرەۋىنە نە بولماسا نىعايۋىنا جول بەرمەيتىندىكتەرىن باسا ايتتى.
«ءبىز قوعامعا نارىقتاعى احۋالدى تۇسىندىرەتىن بولامىز. بۇعان قوسا، اعىمداعى جاعدايدا ايىرباس وپەراتسيالارىنان الاياقتىق تابىس الۋدىڭ ءوزى كۇدىك تۋدىرادى. ءتىپتى، ۇتىلىپ قالۋعا دا بولادى»، - دەپ قوستى ۇلتتىق بانك ءتوراعاسى.
اۆتور: مارلان جيەمباي
