قىتايلىق قاريا 40 جىلدان بەرى ءتورت روماننىڭ كەيىپكەرلەرىن تاستان قاشاۋدا

استانا. قازاقپارات - قىتايدىڭ وڭتۇستىك- باتىسىنداعى چۋڭشيڭ قالاسىنىڭ 70 جاستاعى تۇرعىنى موۋ دەندەنىڭ سۇيىكتى ءىسى - تاستان مۇسىندەر قاشاۋ.

جاس كەزىنەن بەرى كىتاپتار مەن كينوفيلمدەردەن شابىت الىپ، تاس قالاۋشىنىڭ داعدىلارىن پايدالانعان موۋ دەندە وتكەن عاسىردىڭ 70- جىلدارىنان بەرى قىتايلىق كلاسسيكالىق ءتورت روماننىڭ كەيىپكەرلەرىن تاستان قاشاۋدا.

شينحۋانىڭ حابارلاۋىنشا، شەبەردىڭ قولىنان «ءۇش پاتشالىق حيكاياسى»، «سۋ بويىندا»، «باتىسقا ساياحات» جانە «قىزىل سارايداعى ءتۇس» كەيىپكەرلەرىنىڭ مۇسىندەرى قالاندى.

ول وسى كەزگە دەيىن 160 تان استام ءمۇسىن جاسادى. 40  جىل ۋاقىتىن ارناعان ءىسى ونىڭ ءومىرىنىڭ ءبىر بولىگىنە اينالدى.