17:35, 08 - قاراشا 2015 | GMT +5
جوعالعان مۋميا 40 جىلدان سوڭ ءباسساۋداعا قويىلعان جەرىنەن تابىلدى
استانا. قازاقپارات - جوعالعان مۋميا 40 جىلدان سوڭ ءباسساۋداعا قويىلعان جەرىنەن تابىلدى.
مۋميانى مونس قالاسىندا اۋكسيونعا قويعان. بۇل مۋميا بەلگيا استاناسى بريۋسسەلدەگى مۇراجايعا تيەسىلى. ول قىرىق جىل بۇرىن جوعالعان.
مۋمياعا قاتىستى سوڭعى ءىس-ارەكەتتەر جەتپىسىنشى جىلدارى جاسالعان. ول كەزدە ولاردى زەرتتەۋ جۇرگىزۋ ءۇشىن بريۋسسەل قالاسىنىڭ ەكى دارىگەرىنە تاپسىرعان. دارىگەرلەر ءبىر مۋميانى مۇشەلەپ، ەكىنشىسىن رەنتگەن سىناقتارىنان وتكىزدى. زەرتتەۋ قورىتىندىلارى 1973-جىلى باسىلىمداردا جاريالاندى. بەلگىسىز جاعدايلارعا بايلانىستى ولار مۋميانى مۇراجايعا قايتارماعان.
جوعالعان مۋميانى جەتپىسىنشى جىلدارى زەرتتەۋ جۇرگىزگەن دارىگەردىڭ 60 جاستاعى ۇلى ساتپاق بولىپتى. ول مۋميانى اۋكتسيونداعى ساۋداعا قويعان.
ول قىلمىستىق جاۋاپكەرشىلىككە تارتىلمايدى، ويتكەنى قۇجات بويىنشا ەكسپونات زەرتتەۋگە تاپسىرىلعان، دەپ جازادى planet-today.ru.
