كوشى-قون زاڭناماسىن بۇزعانى ءۇشىن شەتەلدىڭ 40 ازاماتى ەلدەن شىعارىلدى

استانا. قازاقپارات - جۋالى اۋداندىق سوتى وزبەكستان رەسپۋبليكاسىنىڭ 40 ازاماتىنا قاتىستى قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ كوشى-قون زاڭناماسىن بۇزۋى بويىنشا اكىمشىلىك ىستەرىن قارادى.

بۇل تۋرالى جامبىل وبلىستىق سوتىنىڭ باسپا ءسوز قىزمەتىنەن حابارلادى.

وسى جىلدىڭ قاراشا ايىندا، كورشى رەسپۋبليكانىڭ 40 ازاماتى ءوز وتاندارىنا بارار جولدا پوليتسيا قىزمەتكەرلەرىمەن جۋالى اۋدانى ب. مومىش ۇلى اۋىلىنىڭ قاسىنداعى «الماتى- تاشكەنت» تاس جولىنىڭ بويىندا «استانا- سارى اعاش» باعىتىندا كەتىپ بارا جاتقان اۆتوبۋسىندا ۇستالعان.

وزبەكستان ازاماتتارىنىڭ قۇجاتتارىن تەكسەرۋ بارىسىندا، قازاقستاندا بولۋ مەرزىمى ءۇش تاۋلىكتەن اسىپ كەتكەن.

سوت قاۋلىسىمەن ق ر-نىڭ ا ق ب ت ك- نىڭ 517-بابىنىڭ 2، 517-بابى 4- بولىگىمەن كىنالى دەپ تانىلىپ، 40 ازامات قازاقستان رەسپۋبليكاسىنىڭ شەگىنەن اكىمشىلىك جولمەن شىعارىپ جىبەرىلدى.

قاۋلى زاڭدى كۇشىنە ەنگەن جوق.