15:36, 04 - قاراشا 2015 | GMT +5
رەسەيلىك تاعى ءبىر ۇشاق قۇلادى، 40 تان استام ادام كوز جۇمدى
استانا. قازاقپارات - وڭتۇستىك سۋداندا ۇشاقتىڭ اپاتقا ۇشىراۋى سالدارىنان 40 تان استام ادام قازا تاپتى.
Reuters اگەنتتىگى كۋاگەرلەرگە سىلتەمە جاساپ، جۇك تاسىمالداۋعا باعىتتالعان ۇشاقتىڭ اپاتقا ۇشىراۋىنان ونىڭ بورتىندا جانە جەردە 40 تان استام ادام اجال قۇشۋى مۇمكىن ەكەنىن جازدى.
South Sudan Tribune گازەتىنىڭ اقپاراتىنشا، ۇشاق بورتىندا بەس رەسەيلىك ەكيپاج مۇشەسى بولدى. ب ا ق ۇشاقتىڭ بولشەكتەرى اق ءنىل وزەنى ماڭىنداعى اۋەجايدىڭ جانىندا تابىلعانىن حابارلادى.
سۋدانداعى رەسەي ەلشىلىگىنە وڭتۇستىك سۋداندا رەسەيلىك ۇشاقتىڭ اپاتقا ۇشىرۋى جونىندەگى تولىق حابار كەلىپ تۇسپەدى. بۇل تۋرالى ت ا س س- قا ەلشىلىكتىڭ ءۇشىنشى حاتشىسى سەرگەي كونياشين مالىمدەدى.
