10:20, 18 - قىركۇيەك 2015 | GMT +6
قازاقستاندىق «تۇلپار- تالگو» پويىزدارىنىڭ بيلەت قۇنى 40 پايىزعا ارزاندايدى
استانا. قازاقپارات - «قازاقستان تەمىر جولى» ۇلتتىق كومپانياسى » ا ق «تۇلپار- تالگو» پويىزدارىنىڭ بيلەت قۇنى ارزانداعاندىعىن حابارلايدى، دەپ جازادى كومپانيانىڭ رەسمي سايتىندا.
2015 - جىلدىڭ 17 - قىركۇيەگىنەن باستاپ، «تۋريست»، «بيزنەس» جانە «گراند» ۆاگون كلاسستارىنا 40 پايىزعا دەيىن قوسىمشا جەڭىلدىكتەر قاراستىرىلعان.
سونىمەن بىرگە «تۇلپار- تالگو» پويىزدارىنا ديسكونت كارتالارى ارقىلى بەرىلەتىن جەڭىلدىكتەر ءوز كۇشىن جويعان جوق. ولار تومەندەگى 3 سانات بويىنشا بەرىلەدى:
1) «قۇرمەت» - 60 جاستان باستاپ، ادامدار بيلەت قۇنىن 30 پايىزعا ارزان باعاعا الا الادى؛
2) «جاستار» - بيلەت قۇنى 16 - 25 جاس ارالىعىنداعى جاستار ءۇشىن 30 پايىز؛
3) «ساياحاتشى» - تۇراقتى تۇتىنۋشىلارعا 10- 20 پايىزعا دەيىن جەڭىلدىكتەر قاراستىرىلعان.
وسىلايشا، ديسكونت كارتاسى بار جولاۋشى (مىسالى، «جاستار» ، «قۇرمەت») «گراند» ، «بيزنەس» كلاسستارىنا جاڭادان قوسىلعان 70 پايىز جەڭىلدىكتەردى پايدالانىپ ساپارعا اتتانا الادى.