ۇرلانعان بالا 40 جىلدان كەيىن اناسىمەن تابىستى

استانا. قازاقپارات - 1973 -جىلى چيليدىڭ 19 جاستاعى تۇرعىنى نەللي رايسقا دارىگەرلەر دۇنيە ەسىگىن ەندى اشقان پەرزەنتىنىڭ شەتىنەپ كەتكەنىن حابارلاعان ەدى.

ارادا 41 جىل وتكەندە بالاسىنىڭ امان ەكەنىن بىلگەندە ەسىنەن تانىپ قالا جازدادى. ناقتىراق ايتقاندا، امەريكالىق ازامات وعان حات جازىپ، بالاسى ەكەنىن حابارلايدى.

قىزىق بولعاندا، ءوزىن بوساندىرعان دارىگەرلەردىڭ سوزىنە سەنىپ قالعان ايەل شارانانى كورسەتۋدى تالاپ ەتپەگەن ەدى كەزىندە. ول ول ما، شارانانىڭ شەتىنەگەنى جايىندا كۋالىكتى دە تالاپ ەتپەگەن. بۇل جايىندا «Mirror» اقپارات كوزى حابار تاراتتى.

«جاسىم 40 قا كەلگەندە تۋعاندارىمدى ىزدەۋگە كىرىستىم. مەنى اسىراپ العان اتا-انام ءوسىرىپ-جەتكىزگەنىن بىلەتىنمىن. بالا كەزىمدە ماعان مەنىڭ تۋعان جەرىم چيلي ەكەنىن ايتقان بولاتىن»، - دەدى ا ق ش-تىڭ ۆاشينگتون شتاتىنا قاراستى تاكوما قالاسىنىڭ تۇرعىنى ترەۆيس ترولە.

«وگەي اكە-شەشەم مەنى بالالار ۇيىنەن اسىراپ العاندارىن ايتقان بولاتىن. وندا قالاي تاپ بولدىم، ەشكىم بىلمەيدى. ۇزاق ۋاقىتقا سوزىلعان ىزدەستىرۋ جۇمىستارىنان كەيىن الەۋمەتتىك جەلىدەن وتكەن عاسىردىڭ 60-90 -جىلدار ارالىعىندا چيليدە بالالاردىڭ كوپتەپ جوعالعانى تۋرالى اقپاراتقا كەزىكتىم. ولاردىڭ سانى بىرنەشە ءجۇز بولاتىن. ولاردى شەتەلدىكتەرگە ساتقان نەمەسە بالالار ۇيىنە وتكىزگەن»، - دەدى امەريكالىق ازامات.

«چيليدەن ۇرلانعان بالالاردى اتا-اناسىمەن قاۋىشتىراتىن قاۋىمداستىقپەن «فەيسبۋك» الەۋمەتتىك جەلىسىندە تانىسۋدىڭ ءساتى ءتۇستى. ولارعا ءوزىم جايىنداعى اقپاراتتاردى بەردىم. تۋرا ءبىر ايدان كەيىن ولار ماعان تۋعان انامنىڭ بايلانىس دەرەگىن تاۋىپ بەردى»، - دەدى ول ءسوزىن ساباقتاپ. ەكى بالانىڭ اكەسى اتانىپ ۇلگەرگەن ول چيليدە ءوزىنىڭ ءۇش ءىنىسى مەن ەكى قارىنداسى بارىن بىلەدى. 61 جاستاعى نەللي رايس 40 جىلدان كەيىن تابىلعان بالاسىن ا ق ش-تان چيليگە كوشىرىپ الاتىنىن جەتكىزدى.
islam.kz