07:56, 19 - مامىر 2015 | GMT +5
ارحەولوگتار التايدان 40 مىڭ جىل بولعان ەڭ كونە اشەكەيدى تاپتى
استانا. قازاقپارات - التايدا عالىمدار قىرىق مىڭنان استام جىل بولعان اشەكەيدى تاۋىپ الدى.
ونىڭ وتە ءتۇزۋ تەگىستەلگەن تاستاردان دايىندالعانى تۋرالى حابارلانادى. شاعىن عانا تەسىگى بار مونشاق تارىزدەس اشەكەي بۇيىمىنىڭ كولەمى كىپ-كىشكەنە عانا. وسىنداي تىم كىشكەنتاي كولەمدە ونى ارنايى جابدىقتارسىز جاساپ شىعارۋ مۇمكىن ەمەس، دەپ حابارلايدى Svopi پورتالىنان.
قازىرگى كەزدە عالىمدار تابىلعان زاتتىڭ قۇرىلىمىن انىقتاپ، تاريحقا دەيىنگى كەزەڭدە وسىنداي جۇمىستى قالاي جاساۋ مۇمكىن بولعانىن بىلگىسى كەلىپ وتىر.
زەرتتەۋلەر وتكىزىلگەن سوڭ، اشەكەي قيىر شىعىس حالىقتارىنىڭ تاريح مۇراجايىنا جىبەرىلەدى. قازىرگى كەزدە عالىمدار ونى ەگجەي-تەگجەيلى زەرتتەۋگە ارنالعان بارلىق قاجەتتى تەستتەردى وتكىزىپ جاتىر.
