ءبىر جىل ىشىندە استانا حالقى 40 مىڭعا جۋىق ادامعا كوبەيدى

2014-جىلدىڭ باسىمەن سالىستىرعاندا، استانا قالاسى حالقىنىڭ جالپى سانى 38550 ادامعا كوبەيدى، دەپ حابارلادى ەلوردانىڭ ستاتيستيكا دەپارتامەنتى.

2014-جىلعى قاڭتار-جەلتوقسان ايلارىنداعى حالىقتىڭ تابيعي ءوسىمى 20630 ادامدى، كوشى-قون ءوسىمى - 17920 ادامدى قۇرادى.

2014-جىلدىڭ قاڭتار-جەلتوقسان ايلارىنىڭ ىشىندە تۇتاستاي العاندا استانادا تۋىلعاندار سانى 24216 ادام بولىپ، 2013-جىلمەن سالىستىرعاندا، 10,8 پايىزعا ارتتى. سونىمەن قاتار حالىقتىڭ تابيعي ءوسىمى بۇرناعى جىلدىڭ قاڭتار-جەلتوقسان ايلارىمەن سالىستىرعاندا 12,6 پايىزعا ۇلعايىپ، 20630 ادامدى قۇرادى.

وسى كەزەڭدە قالادا 3586 ادام قايتىس بولدى، بۇل 2013-جىلدىڭ قاڭتار-جەلتوقسان ايلارىنداعى كورسەتكىشپەن سالىستىرعاندا 1,4 پايىز كوپ.

قاڭتار-جەلتوقساندا 1 جاسقا دەيىنگى 167 ءسابي قايتىس بولدى، بۇل 2013-جىلدىڭ وسى كەزەڭىمەن سالستىرعاندا 29 وقيعاعا از. سابيلەر ءولىمى كوەففيتسيەنتى 6,90 دى قۇرادى (2013-جىلعى قاڭتار-جەلتوقساندا - 8,97).

حالىق اراسىنداعى ءولىمنىڭ 33,3 پايىزى قان اينالىسى جۇيەسى اۋرۋلارى، 21,4 پايىزى - جاڭا اۋرۋلار، 13,3 پايىزى - باقىتسىزدىق جاعدايلارى، ۋلانۋ نەمەسە جاراقاتتانۋ سەبەپتەرىنەن بولىپ وتىر.

ا ح ا ت ورگاندارىندا تىركەلگەن ۇيلەنۋ نەكەلەرى 2014-جىلعى قاڭتار-جەلتوقسان ايلارىندا وتكەن جىلدىڭ ءتيىستى كەزەڭىمەن سالىستىرعاندا 7,8 پايىزعا ۇلعايدى، اجىراسۋلار سانى - 9,4 پايىزعا كوبەيدى.