مەملەكەت باسشىسى: ەگەر مۇناي باررەلى 40 ا ق ش دوللارىنا دەيىن تۇسسە، قازاقستاننىڭ قولعا الاتىن جوسپارى بار
بۇل تۋرالى بۇگىن قازاقستان پرەزيدەنتى نۇرسۇلتان نازاربايەۆ ءبىرقاتار قازاقستاندىق ب ا ق وكىلدەرىمەن سۇحباتى بارىسىندا ءمالىم ەتتى.
الەمدىك ەكونوميكاداعى اۋمالى- توكپەلى احۋالعا توقتالعان مەملەكەت باسشىسى قارجىلىق داعدارىس كوپكە ۇزامايتىندىعىن ەرەكشە اتاپ كورسەتتى. قازىرگى تولقۋ، ونىڭ ويىنشا، مۇناي باعاسىنىڭ الەمدىك دەڭگەيى تومەندەۋىنەن جانە ەۋروپانىڭ رەسەيگە قاتىستى رەسەيدىڭ ەۋروپاعا قاتىستى سانكتسيالارىنىڭ زاردابىنان ورىن الۋدا.
« مەن بۇدان بۇرىن ايتتىم، مەملەكەت الەۋمەتتىك مىندەتتەردى قانداي جاعدايدا دا تومەندەتپەيتىن بولادى. ياعني، زەينەتاقى، قورعانىس جانە بيۋجەتتىك ۇيىم جۇمىسشىلارىنىڭ جالاقىلارى تومەندەتىلمەيدى. قازاقستان حالقى الاڭداماسىن. ەگەر مۇناي باررەلى 70, 60, 50, ءتىپتى 40 ا ق ش دوللارىنا دەيىن تۇسكەننىڭ وزىندە، قازاقستاننىڭ قولعا الاتىن جوسپارى بار. بۇل جوسپار جۇمىس ىستەۋدە جانە مەنىڭ ءجىتى قاداعالاۋىمدا. نەگە مەن ول تۋرالى سەنىمدى ايتا الامىن؟ ! سەبەبى بىزدە قيىن- قىستاۋ كۇنگە دەپ ساقتاعان قورىمىز بار. ولار حالىقتىڭ اۋقاتىن تۇسىرمەي، ءومىر سالتىن جاقسى دەڭگەيدە ۇستاپ تۇرۋعا جەتەدى» ، - دەپ اتاپ ءوتتى پرەزيدەنت تىلشىلەردىڭ ساۋالىنا جاۋاپ قايىرۋ كەزىندە.
ەلباسىنىڭ سوزىنە قاراعاندا، قازاقستان ەكونوميكاسى تۇراقتى. ن. نازاربايەۆ حالىق اراسىندا داۋرىعۋدىڭ قاجەتى شامالى ەكەنىنە دە باسا نازار اۋداردى.
«الىپ- قاشپا اڭگىمەلەردى تاراتىپ، حالىقتى سارساڭعا سالاتىندارعا قارسى ارنايى زاڭ قابىلداندى. ءبىز ولاردى تاۋىپ، جازاسىن بەرەتىن بولامىز. حالىقتىڭ بانكتارداعى سالىمدارىنا مەملەكەتپەن كەپىل بەرىلگەن. سول ماقساتقا ارنايى قور قۇرىلعان. ال ۆاليۋتالاردىڭ اۋىتقۋى - ءارقاشان بولا بەرەتىن قۇبىلىس. الەم بويىنشا ۆاليۋتانىڭ اۋىتقۋى قالىپتى جاعداي. 50 جىل بۇرىن دوللار قۇنى قانشا بولدى، قازىر قانشا؟ قازاقستاندا ءبىز تەڭگەگە ءومىر سۇرەمىز: تەڭگەگە نان ساتىپ الامىز، تەڭگەگە جولاقى تولەيمىز، تەڭگەگە كيىم ساتىپ الامىز. نەدەن الاڭدايمىز؟ ىشكى تۇراقتىلىقتى، الەۋمەتتىك تولەمدەردى قامتاماسىز ەتەمىز » ، - دەدى ەلباسى.
