14:03, 15 - جەلتوقسان 2014 | GMT +5
لاڭكەس 40 قا جۋىق ادامدى كەپىلگە الدى
استانا. قازاقپارات - بۇگىن تاڭەرتەڭ قارۋلانعان يسلام اتىن جامىلعان لاڭكەس سيدنەي ورتالىعىندا ورتالىق بانك عيماراتىمەن قاتار ورنالاسقان Lindt شوكولاد فابريكاسىنىڭ دۇكەنى جانىنداعى ءدامحانادا 40 قا جۋىق ادامدى كەپىلگە الدى.
ول اۆستراليا پرەمەر-ءمينيسترى توني ەببوتپەن كەزدەسۋدى تالاپ ەتىپ، قالا بويىنشا ءتورت جارىلعىش زات قويىلعاندىعىن حابارلاعان.
لاڭكەس 10 ءدامحانا قىزمەتكەرىن جانە 30 تاماقتانۋعا كەلگەن ادامدى كەپىلگە العان. ولاردىڭ ءبارىن قورقىنىش پەن ۇرەي ۇستىندە ۇستاپ وتىر، دەپ حابارلادى ر ي ا «نوۆوستي».
پوليتسيا شابۋىل جاساعان تەك ءبىر تەرروريست دەپ سانايدى، ءتارتىپ ساقشىلارى ونىڭ سىبايلاستارى بار-جوعىن انىقتاۋدا. اۆستراليالىق ب ا ق دەرەكتەرىنە سۇيەنسەك، ول «جانكەشتى بەلدىگىن» تاققان.
اۆستراليانىڭ پرەمەر-ءمينيسترى توني ەببوت سيدنەيدەگى جاعدايدى «توتەنشە قاۋىپتى وقيعا» دەپ سيپاتتادى.
