ارمانداستار انىنە - 40 جىل
وسى شىعارمانىڭ شىنايى كەيىپكەرلەرى اراعا سان جىلدار سالىپ سەمەي قالاسىندا باس قوستى. ايگىلى ءاندى مەكتەپ بىتىرگەن سوڭ «ارمانداستار» اتتى كومسومول بريگاداسىندا جۇمىلا جۇمىس ىستەگەن 23 جاسقا ارناپ بەلگىلى سازگەر اسەت بەيسەۋوۆ شىعارعان ەكەن.
وسى اۋەننەن قاناتتانعان قابىلەتتى جاستار ءوز ءانسامبلىن قۇرىپتى.
1970 - جىلدارى مال شارۋاشىلىعىن دامىتۋ ءۇشىن جاستارعا جالىندى ۇندەۋ تاستاپ، قوعامدىق ويعا قوزعاۋ سالدى. «ارمانداستار» ءانسامبلىنىڭ مۇشەلەرى بۇگىندە ەلىمىزدىڭ ءار تۇپكىرىندە مەملەكەتىمىزدىڭ دامۋىنا سۇبەلى ۇلەسىن قوسىپ كەلەدى.
«ارمانداستار» ءانى جاستىق شاعىمىزدى ەسكە ءتۇسىرىپ، باس قوسۋىمىزعا سەبەپشى بولدى»، - دەيدى ولار.
ەرجان امىرعاليەۆ، «ارمانداستار» ءانسامبلىنىڭ ونەرپازى:
- بۇگىن 40 جىلدان كەيىن جولداستار سەمەي قالاسىندا باس قوسىپ جاتىرمىز. قازىر ءبىزدىڭ جولداستارىمىزعا، بالالارىمىزعا، نەمەرەلەرىمىزگە دەيىن وسى ءاندى ايتادى. وسى ءان ايتىلعان سايىن جولداستارىمىزدى ەسكە الامىز. جۇرگەن جەرىمىزدە وسى ولەڭدى ايتامىز. ءار مەكەمەنىڭ كوركەمونەرپازدار ۇيىرمەسىنە ءوزىمىزدىڭ ۇلەسىمىزدى قوسىپ، ءالى كۇنگە دەيىن سپورتپەن شۇعىلدانىپ، ونەردى دە تاستاعانىمىز جوق.
گۇلجانات قايىرحانوۆا، «ارمانداستار» ءانسامبلىنىڭ ونەرپازى:
- «ارمانداستار» بريگاداسىندا جۇرگەننەن كەيىن «ارمانداستار» ءانسامبلىن قۇردىق. ماحين ەلىك، امىرعاليەۆ ەرجان قولدان گيتارا جاسادى. «ارمانداستار» انىمەن جاستىق شاعىمىز ەسكە تۇسەدى.
24.kz
