الەمنىڭ 40 قا جۋىق ەلى كەدەن وداعىنىڭ ەركىن ساۋدا ايماعىنا قوسىلۋعا نيەتتى
بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىنىڭ كوشپەلى بريفينگىندە ەۋرازيالىق ينتەگراتسيا ينستيتۋتىنىڭ ديرەكتورى جانارگۇل قۇسمانعاليەۆا ايتتى.
ونىڭ اتاپ وتۋىنشە، قازىرگى تاڭدا ءبىزدىڭ ەكونوميكامىز جوعارى تەحنولوگيالىق ءوندىرىستى دامىتۋعا باعىتتالعان. ال ول ينۆەستيتسيا ءۇشىن بارىنشا تارتىمدى اۋقىمدى نارىقتاردى تالاپ ەتەدى. «وسى رەتتە كەدەن وداعىمەن ەركىن ساۋدا ايماعىنا قوسىلۋعا نيەتتەستىكتەرى تۋرالى قازىردىڭ وزىندە 40 قا جۋىق ەلدىڭ مالىمدەمە جاساۋى زور ماڭىزعا يە. ولاردىڭ قاتارىندا تۇركيا، ءۇندىستان، جاڭا زەلانديا، ۆەتنام سىندى ەلدەر بار. ەۋرووداق پەن ەكونوميكالىق ىنتىماقتاستىق جانە دامۋ ۇيىمى سىندى بلوكتارمەن دە ىنتىماقتاستىق جولعا قويىلۋدا» ، - دەدى ول.
ج. قۇسمانعاليەۆانىڭ سوزىنە قاراعاندا، ە ا ە و- مەن كەدەرگىسىز ساۋدا- ساتتىقتى جولعا قويۋعا وڭتۇستىك امەريكاداعى ءىرى ينتەگراتسيالىق بىرلەستىكتەردىڭ ءبىرى قىزىعۋشىلىق تانىتۋدا.
«بۇل قۋانتادى. ويتكەنى، ءبىزدىڭ مەملەكەت باسشىمىز نۇرسۇلتان نازاربايەۆتىڭ ەۋرازيالىق جوباسى - بۇل باسقا دا وڭىرلىك ينتەگراتسيالىق بىرلەستىكتەرمەن، سونىمەن بىرگە قاتىسۋشى- مەملەكەتتەرمەن ىنتىماقتاستىقتى بولجايتىن اشىق جوبا» ، - دەدى دەپارتامەنت ديرەكتورى.
ونىڭ اتاپ وتۋىنە قاراعاندا، قازاقستان، رەسەي جانە بەلارۋس ەلدەرى قۇراتىن ەۋرازيالىق ينتەگراتسياعا ەڭ ءبىرىنشى بولىپ ارمەنيا قوسىلا الادى. ال ودان كەيىن كەدەن وداعىنا كىرۋ ارقىلى ە ا ە و- عا قوسىلۋعا دايىن ەكەندىگىن قىرعىزستان مەن تاجىكستان بىلدىرۋدە.
«مۇنىڭ بارلىعى ە ا ە و- نىڭ اشىق دامۋشى، بولاشاعى زور جوبا ەكەندىگىن تاعى ءبىر مارتە دالەلدەي تۇسەدى» ، - دەدى ول.
