قازاقستاننىڭ التىن قورى 407 تونناعا جەتتى

نۇر- سۇلتان. قازاقپارات - قازاقستاننىڭ التىن قورى 407 تونناعا جەتتى. بۇل تۋرالى بۇگىن ۇكىمەت وتىرىسىندا ق ر ۇلتتىق بانك ءتوراعاسى ەربولات دوسايەۆ ايتتى، دەپ حابارلايدى قازاقپارات ءتىلشىسى.

«التىن- ۆاليۋتا رەزەرۆتەرى ءبىر ايدا 309 ميلليون ا ق ش دوللارىنا تومەندەپ، وسى جىلعى قاراشانىڭ سوڭىندا 35,5 ميلليارد ا ق ش دوللارى بولدى. التىن پورتفەلى شامامەن 407 تونناعا جەتتى جانە 267 ميلليون ا ق ش دوللارىنا ءوستى»، - دەدى ەربولات دوسايەۆ.

ونىڭ ايتۋىنشا، ەركىن كونۆەرتاتسيالاناتىن ۆاليۋتاداعى اكتيۆتەر ۆاليۋتالىق ينتەرۆەنتسيا، مەملەكەتتىك بورىشتى تولەۋ جانە ۇكىمەتتىڭ شوتتارى بويىنشا باسقا دا وپەراتسيالار ەسەبىنەن 575 ميللن ا ق ش دوللارىنا تومەندەدى.

«جالپى حالىقارالىق رەزەرۆتەر ءبىر ايدا 435 ميلليون ا ق ش دوللارىنا تومەندەپ، 90,5 ميلليارد ا ق ش دوللارىن قۇرادى»، - دەدى ۇ ب ءتوراعاسى.