الماتىدا تاكسيست شەتەل ازاماتىنان 400 ەۋرو العان
3-مامىر كۇنى الماتى اۋەجايىنداعى جەلىلىك پوليتسيا ءبولىمىنىڭ كەزەكشى بولىمىنە 30 جاستاعى رەسەي فەدەراتسياسىنىڭ ازاماتى ارىزدانعان.
ول اۋەجايدان ماركوۆ كوشەسىنە دەيىن 400 ەۋروعا (شامامەن 200 مىڭ تەڭگە) جەتكىزگەن تاكسي جۇرگىزۋشىسىنە شارا قولدانۋدى سۇرادى.
«جەدەل- ىزدەستىرۋ شاراسى بارىسىندا ارىزدانۋشىنى دىتتەگەن جەرىنە جەتكىزگەن «مەرسەدەس- بەنتس» كولىگىنىڭ يەسى 27 جاستاعى الماتى وبلىسىنىڭ تۇرعىنى ۇستالدى. جاۋاپ الۋ كەزىندە ەر ادام ءوز كىناسىن مويىنداپ، ازامات كۋلاكوۆقا اقشانى تولىعىمەن قايتارىپ بەردى»، - دەپ حابارلادى كولىكتەگى پوليسيا دەپارتامەنتىنەن.
اتالعان فاكتى بويىنشا قۇقىق بۇزۋشىعا قاتىستى ق ر ا ق ب ت ك- ءنىڭ 449-بابىنىڭ 2-بولىگى بويىنشا اكىمشىلىك حاتتاما تولتىرىلدى.
15- مامىر كۇنى الماتى مامانداندىرىلعان اكىمشىلىك سوتىنىڭ قاۋلىسىمەن وعان 21150 تەڭگە ايىپپۇل سالىندى.
ءوز كەزەگىندە ازامات كۋلاكوۆ كولىك پوليتسياسى قىزمەتكەرلەرىنە العىسىن ايتتى.
