جىل باسىنان بەرى 400 دەن استام بالا تەگىن ساۋىقتىرۋ كۋرسىنان ءوتتى

نۇر-سۇلتان. قازاقپارات - بالالار جىلى اياسىندا اي سايىن 100 گە جۋىق بالا «بوبەك» ورتالىعىندا تەگىن ساۋىقتىرۋ كۋرسىنان وتەدى، دەپ حابارلايدى قازاقپارات ءبىلىم جانە عىلىم مينيسترلىگىنە سىلتەمە جاساپ.
None
None

جىل باسىنان بەرى الماتى قالاسى، الماتى، جامبىل جانە تۇركىستان وبلىستارىنان 440 بالا ساباعىنان قالماي، ءوز دەنساۋلىعىن جاقسارتۋ مۇمكىندىگىنە يە بولدى. ولاردىڭ %63,9 ىندا تىنىس الۋ ورگاندارىنىڭ اۋرۋلارى جانە ءالسىز يممۋنيتەت، %9 ىندا انەميا بار، اقۋىز-ەنەرگەتيكالىق جەتىسپەۋشىلىك - %15,4، ارتىق سالماق - %2,8، لور مۇشەلەرىنىڭ اۋرۋلارى - %7,9 جانە باسقالارى - %0,9.

«مەملەكەت باسشىسى بالالارعا ەرەكشە كوڭىل ءبولۋ كەرەگىن اتاپ ءوتىپ، 2022-جىلدى - بالالار جىلى دەپ جاريالادى. 2021-جىلدىڭ باسىنان بەرى ق ر ب ع م قولداۋىمەن «بوبەك» ورتالىعىندا جەتىم بالالار، ەكولوگيالىق قولايسىز ايماقتاردان، كوپبالالى جانە تۇرمىسى تومەن وتباسىلاردان شىققان 1320 بالا وڭالتۋدان ءوتتى»، - دەيدى ق ر ب ع م «بوبەك» ۇلتتىق عىلىمي-پراكتيكالىق، ءبىلىم بەرۋ جانە ساۋىقتىرۋ ورتالىعىنىڭ باس ديرەكتورى بايان فايزۋللينا. ساۋىقتىرۋ كۋرسى - 22 كۇن.

«بالالاردى ساۋىقتىرۋ، وڭالتۋ جانە ولاردىڭ دەمالىسىن ۇيىمداستىرۋ» مەملەكەتتىك بيۋدجەتتىك باعدارلاماسى شەڭبەرىندە جۇزەگە اسىرىلادى. بالالاردى ىرىكتەۋدى جەرگىلىكتى جەرلەردەگى ءبىلىم بەرۋ ۇيىمدارى جۇرگىزەدى. ساۋىقتىرۋ كەشەنىندە بالالار دەنساۋلىعىن جاقسارتىپ قانا قويماي، سونىمەن بىرگە مەكتەپ باعدارلاماسىنا سايكەس وقۋىن دا جالعاستىرادى. وقۋدان جانە ەمدەلۋدەن بوس ۋاقىتتا كورىكتى جەرلەردى ارالايدى. بۇدان بۇرىن 62 مىڭنان استام بالانىڭ اتا-اناسى ساناتوري-كۋرورتتىق ەم-دومعا مەملەكەت ەسەبىنەن بىرگە بارۋى مۇمكىن دەپ حابارلانعان بولاتىن.

سوڭعى جاڭالىقتار