شىعىس قازاقستاندا مەديتسينا ساپاسىنا قاتىستى 400 دەن استام شاعىم ءتۇستى

وسكەمەن. قازاقپارات - بيىلعى جىلدىڭ ءبىرىنشى توقسانىندا ءوڭىر تۇرعىندارى «الەۋمەتتىك مەديتسينالىق ساقتاندىرۋ قورى» ش ق و فيليالىنا 35 مىڭنان استام ءوتىنىش جاساعان، ونىڭ 400 دەن استامى مەديتسينالىق كومەكتىڭ ساپاسى مەن قولجەتىمدىلىگىنە بايلانىستى شاعىم، دەپ حابارلايدى قازاقپارات ءتىلشىسى.
None
None

تالداۋ كورسەتكەندەي، ازاماتتار كوبىنەسە 1406 بايلانىس ورتالىعىنا حابارلاسادى. اتاپ ايتقاندا، قىسقا ءنومىر ارقىلى وتىنىشتەردىڭ %83 ى جاسالعان. ەكىنشى ورىندا - Qoldau 24/7 موبيلدى قوسىمشاسى.

بۇل ارنا ارقىلى تۇرعىندار نەگىزىنەن قانداي دا ءبىر قىزمەت تۋرالى اقىل- كەڭەس سۇرايدى. جارنالار مەن اۋدارىمداردى قالاي تولەۋ كەرەكتىگى، م ءا م س بويىنشا مەديتسينالىق كومەكتى الۋ ءۇشىن قانداي كەزەڭدەردە تولەم جۇرگىزۋ قاجەتتىگى سياقتى ساۋالدار قويىلعان.

«شاعىمدارعا قاتىستى ايتار بولساق، ازاماتتاردى مەديتسينالىق كومەكتىڭ ساپاسىز كورسەتىلۋى نەمەسە ودان باس تارتىلۋى، كونسۋلتاتسيالىق- دياگنوستيكالىق قىزمەتتەردى تىم ۇزاق كۇتۋى، بەلگىلى ءبىر ماماندارعا جازىلۋدىڭ مۇمكىن ەمەستىگى مازالاعان. قور ماماندارى ءاربىر شاعىم بويىنشا ەگجەي- تەگجەيلى تالداۋ جۇرگىزىپ جاتىر. ءبىز پاتسيەنتتەردى ءوز قۇقىقتارىن بىلۋگە جانە قۇقىقتارى بۇزىلعان جاعدايدا، ەڭ الدىمەن مەديتسينالىق ۇيىمنىڭ وزىندەگى پاتسيەنتتەرگە قولداۋ كورسەتۋ قىزمەتىنە جۇگىنۋگە شاقىرامىز. بۇل قىزمەتتەر بارلىق ەمحانالار مەن اۋرۋحانالاردا بار. ەگەر ماسەلەنى سول جەردە شەشۋ مۇمكىن بولماسا، قورعا جۇگىنۋ قاجەت»، - دەلىنگەن قوردىڭ باسپا ءسوز قىزمەتى تاراتقان اقپاراتتا.

ەستەرىڭىزگە سالا كەتسەك، وسىعان دەيىن شقو- دا جىلجىمالى مەديتسينالىق كەشەندەردىڭ ەلدى مەكەندەردى ارالايتىندىعىن حابارلاعان ەدىك.

سوڭعى جاڭالىقتار