اقمولا وبلىسىنداعى بوران: بلوكپوستاردا 400 گە جۋىق كولىك تۇرىپ قالدى
وبلىستىق توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنشە، بيىلعى جىلعى ناۋرىزدىڭ 11-12 ارالىعىندا تۇندە اقمولا وبلىسى اۋماعىندا اقتۇتىك بوران بولدى.
سونىڭ سالدارىنان بلوكپوستاردا جولعا شىققان 400 گە جۋىق كولىكتىڭ كەپتەلىسى ورىن الدى.
«وڭىردىڭ قۇتقارۋشىلارى مەن ءتارتىپ ساقشالارى جانە جەرگىلىكتى اتقارۋشى ورگانداردىڭ قىزمەتكەرلەرى ءبىر تۇندە بوراندا جولدا قالعان 247 ادامدى ەۆاكۋاتسيالادى، ونىڭ 96 بالا. قۇتقارۋ جۇمىستارى بۋراباي، ارشالى جانە شورتاندى اۋداندارىندا جۇرگىزىلدى. جەرگىلىكتى اتقارۋشى ورگاندار تاراپىنان ەۆاكۋاتسيا ورىندارىندا ىستىق تاماق ۇيىمداستىرىلدى. زارداپ شەككەندەر جوق»، - دەدى ۆەدومستۆودان.
وسى رەتتە، اقمولا وبلىسى توتەنشە جاعدايلار دەپارتامەنتىنىڭ قىزمەتكەرلەرى اقمولالىقتارعا جولداردىڭ جابىلۋى تۋرالى س م س حابارلاما العان كەزدە جولعا شىقپاۋعا كەڭەس بەرەدى.
