جاڭاوزەندە 400 ادام جۇمىسپەن قامتىلادى

نۇر- سۇلتان. قازاقپارات - جاڭاوزەن قالاسىندا جىل سوڭىنا دەيىن 400 ادام جۇمىسپەن قامتىلادى. قازىر «وزەن مۇنايگاز» ا ق- دا 100، سەرۆيستىك قىزمەت كورسەتەتىن سەرىكتەستىكتەردە 61 جاڭا جۇمىس ورىنى قۇرىلىپ جاتىر.

الدىمەن وسال توپقا جاتاتىن 100 ادامدى ورنالاستىرۋ كوزدەلىپ وتىر. جاڭاوزەن قالاسىندا بىرنەشە كاسىپورىن جۇمىسشىلارى جالاقى كوتەرۋگە جانە جۇمىسسىزدىققا بايلانىستى نارازىلىق اكسياسىنا شىققان ەدى. وسىعان بايلانىستى 8 - اقپاندا وبلىس اكىمىنىڭ ءبىرىنشى ورىنباسارىنىڭ توراعالىعىمەن وبلىستىق كوميسسيا قۇرىلىپ، شارا قابىلدانا باستادى.

ابزال مەڭدىبايەۆ، وبلىس اكىمىنىڭ ءبىرىنشى ورىنباسارى:

- ارنايى قۇرىلعان وبلىستىق كوميسسيا باستاماشىل توپ وكىلدەرىمەن كەزدەسىپ، وزەكتى ماسەلەلەردى جان- جاقتى قاراستىرىپ زەرتتەدى. «وزەنمۇنايگاز» اق سەرۆيستىك قىزمەت كورسەتۋ مەكەمەلەرىنە جۇمىسقا قابىلدانادى. قالاداعى شاعىن جانە ورتا بيزنەس وكىلدەرىن جۇمىسقا تارتۋ ارقىلى «وزەن مۇنايگاز» قىزمەت كورسەتەتىن جۇمىس تۇرلەرى، تاۋار تۇرلەرى بويىنشا جۇمىسقا نيەتتى كومپانيالاردى تارتۋ ارقىلى بىزدەر تاعى دا جۇمىس ورنىن اشقىمىز كەلىپ وتىر. وسى ماقساتتا «قازمۇنايگاز» ا ق شاعىن جانە ورتا بيزنەس وكىلدەرى اراسىندا ۇزاق مەرزىمدى كەلىسىمشارت جاساسۋ ارقىلى جاڭا جۇمىس ورىندارىن ارقىلى جاڭا جۇمىس ورىندارىن اشۋ جوسپارلانىپ وتىر.

www.24.kz